Sexu-aldaketa

Sexu-aldaketa banako jakin baten jaiotzezko sexua aldatzean datza. Aldaketa hau modu naturalean izan daiteke, espeziearen ezaugarrien arabera, edo modu artifizialean, gizakiak eragina.

Pailazo-arrain arrunta.

Animalien sexu-aldaketa

Animali batzuk sexuz aldatzeko gai dira, erreproduzio-aparatua barne, adibidez pailazo-arrainak. Pailazo-arrainen hierarkiaren goiko postuan pailazo-arrain eme bat egoten da. Hau hiltzen denean, pailazo-arrain arrik menderatzaileenak sexuz aldatu eta emearen lekua hartzen du.

Gizakien sexu-aldaketa

Sexu-aldaketa transexualek beren sexu-anatomia aldatzeko erabiltzen duten metodoari deritzo. Termino klinikorik egokiena sexu berresleipenerako kirurgia da (ingelesez GRS), baginoplastia bezala ere ezaguna dena.

Sexu-aldaketa hitza ez da oso zehatza, gizakien sexua lau faktoreren mendean baitago:

• Kromosomak.
• Gonadak (obulutegiak eta/edo testikuluak).
• Hormonen egoera.
• Lehen mailako sexu ezaugarriak. Batzuetan bigarren mailakoak ere.

Baina ezin dira lau faktore horiek aldatu:

• Kromosomak aldatzea ezinezkoa da.
• Gonadak ken daitezke, baina ezin dira aldatu.
• Hormonen egoera alda daiteke.
• Sexu ezaugarriak, hormonen bidez garatu daitezke edota kirurgia bidez.

Teknikak

• Baginoplastia zakilaren alderantzikatzearekin
• Kolobaginoplastia
• Sexu berresleipen kirurgia kosmetikoa
• Klitoroplastia

Kanpo estekak

• Datuak: Q109330783