Ireki menu nagusia

Serlo Gaina

Euskal Herriko mendia

Serlo Gaina Aralar mendilerroan dagoen mendi bat da, 919 metroko garaiera duena. Ekialdetik mendebalderanzko norantzan doan gailur bat da, Putxerri menditik Abringo ubideak banandua. Ohiko ibilbideetatik banandua, mendi ezezagun honek, bere bakardadearen lasaitasunean, jende askorik ibiltzen ez den pagadiak ditu, kontutan hartu beharreko labardietan. Beraz, Aralarko toki ezezagun eta ahaztuetako bat da, oraingoan, Putxerri mendi mitikoaren ondoan.

Serlo Gaina
Datu orokorrak
Garaiera 919 m
Geografia
Koordenatuak 42° 57′ 11″ N, 2° 03′ 52″ W / 42.95300278°N,2.06433889°W / 42.95300278; -2.06433889Koordenatuak: 42° 57′ 11″ N, 2° 03′ 52″ W / 42.95300278°N,2.06433889°W / 42.95300278; -2.06433889
Herrialdea Euskal Herria
Mendikatea Aralar
Herrialdea Espainia
Lurraldea Nafarroa Garaia
Mendizaletasuna
Ohiko bidea Lizarrusti
Mendikat Mendikat
Luberri Luberri

IrispideakAldatu

Aurkitzen garen lurra kontutan hartuta, ez dago igoera argi bat, tontorrera igotzeko zailtasunik ere ez dagoen arren. Etxarri-Aranatzetik Lizarrustira igotzen, Elkorriko bihurgunea baino lehenago, Abrineko labar bikainean sartzen den bide bat abiatzen da eskuinetara. Zeharkatzen hasten gara, baina, azkenean, bidea desagertu egiten da, oso argi ez dagoen bidezidor bati tokia uzteko, errekaztoaren ondoan jarraitzen duena. Errekaztoaren burura heltzen gara eta arrasto guztiak desagertzen dira. Pagadi maldatsutik igotzeko ordua da, non antzinako ikaztegien arrastoak ikus daitezkeen. Gorago, bide horizontal batekin bat egiten du, baina honek ere ez daroa tontorrera, eta, beraz, aukerarik hoberena, malda gogorra igotzen jarraitzea da tontorrera iritsi arte. Bertan, Lakuntzako udalerria adierazten duen mugarri bat dago. Bi harresik toki honetan bat egiten dute, bertan ezarritako mugaren luzapen gisa.

Hurrengo ibilbideak, Abrineko eta Serlo Gainaren iparraldeko aurpegiko pagadiak alde batera uzten ditu, baina, trukean, mendiaren bizkar osoa zeharkatzea ahalbidetzen du bidezidor txiki baten ondoan (gomendagarria jeitsierarako). Toki beretik atzera egin behar da pixka bat Etxarri Aranatzera doan errepidetik, gailurraren oinean kokatzeko asmoz. Dirudienez, zenbait aukera daude, hasieran defendatzen duen harrizko zokaloa igarotzeko, non ibilbidearen zailtasun handiena dagoen tokia den. Basotik saia daiteke, lur garbitik jarraitzea, meatzaritza eta erorketen ondorio den lur harritsutik jarraitzea nabarmengarria den arren. Honek, Lizarrustiko ingurua ikustea ahalbidetzen duen talaia harritsu batzuetara garamatza. Azkenik, gorago, malda asko jeisten da, eta bidezidor txiki batek, jada arazorik gabe, tontorrera iristea ahalbidetzen du.

Kanpo estekakAldatu