Senez (aldizkaria)
| Aldizkaria | Senez |
| Sortze urtea | 1984 |
| Mota | Itzulpengintza |
| Saltzen zen lurraldea | Euskal Herria |
| Editatzen zen hiria | Donostia |
| Hizkuntza | Euskara |
| Maiztasuna | Urtebetekaria |
| Aleak | 47 (2017an) |
| ISSN | 1132-2152 |
| Argitaletxea | EIZIE |
| Zuzendaria | Karlos del Olmo |
Senez euskarazko itzulpen-aldizkaria da. Urtean behin kaleratzen da, baina ale bereziak edo monografikoak ere plazaratu izan ditu. Argitaratzailea Euskal Itzultzaile, Zuzentzaile eta Interpreteen Elkartea da (EIZIE).[1] Martuteneko Itzultzaile Eskolak 1984. urtean sortu zuen, eta EIZIE sortu zenean elkarte honi pasa zion ardura.[2]
Aldizkariak itzulpen-teoriarekin, pragmatikarekin eta euskal itzulpengintzarekin lotura duten gaiak lantzen ditu, batez ere euskaratik eta euskarara itzultzearen gaineko gogoetei eta esperientziei dagokienez. Ikerketa-gaiak eta profesionalen esperientziak edo kezkak izaten dira artikuluen gaiak.
1984an argitaratu zen lehenengo aleko artikuluen egileak hauek izan ziren: Xabier Mendiguren, Koro Navarro, Iñaki Zubizarreta, Jose Ignazio Berasategi, Imanol Tapia, J. Naberan, Begoña del Teso, Martxel Aizpurua, Jesus M. Zabaleta, Gotzon Egia, Klaudio Harluxet,eta Aintzane Ibarzabal.[3]
Kanpo estekak aldatu
- Anaitasuna aldizkariaren hemeroteka digitala Euskaltzaindiaren webgunean
Datuak: Q56628087
Erreferentziak aldatu
- ↑ «SENEZ itzulpen aldizkaria - EIZIE» www.eizie.eus (Noiz kontsultatua: 2018-09-15).
- ↑ itzulpengintza Euskal Herrian Auñamendi entziklopedia
- ↑ «Senez 1 (1984) - EIZIE» www.eizie.eus (Noiz kontsultatua: 2018-09-15).