Sena

Seine» orritik birbideratua)

Sena[1] (frantsesez: La Seine) iparraldeko Frantziako ibaia da, herrialdeko garrantzitsuenetakoa, sal-erosketarako ubide historikoa baita. Paris hirian, batez ere, turismo erakarle ona ere bada. Herrialdeko bigarren ibairik luzeena da, Loiraren ondoren. 776 km luze da eta 78.650 km²ko ibai arroa hartzen du.

Sena
Seine (fr)
Datu orokorrak
MotaIbai nagusi
Luzera776,67 km
Geografia
Map
Koordenatuak49°26′05″N 0°07′03″E / 49.4347°N 0.1175°E / 49.4347; 0.1175
Estatu burujabe Frantzia
Frantziaren banaketa administratiboa Metropolitar Frantzia
Eskualdea Normandia
Hidrografia
Ibaiadarrak
Arroaren azalera78.650 km²
Arro hidrografikoaSeine basin (en) Itzuli
Ur-emaria500 m³/s
Iturburuasource of the Seine River (en) Itzuli
(446 m)
Bokalea
()
Mantxako kanala (Le Havre)

Geografia aldatu

 
Sena ibaia eta Eiffel dorrea, Paris
 
Sena La Défensetik hurbil, Paris


Burgundian du iturburua, Tasselot mendian, 446 metroko garaieran, Source-Seine izeneko herri txikian, Côte-d'Or departamenduan. Ipar-ekialdera egiten du Aube ibaiarekin bat egiten duen arte. Handik Ile-de-Franceko eskualdean barneratzen da. Montereau hirian Yonne ibaiaren ura jasotzen du eta ipar-mendebaldera egiten du. Parisen sartu ondoren Marne ibaiarekin bat egiten du, eta Frantziako hiriburua igarotzen du zubi ikusgarrien azpitik. Ondoren Oise ibaiaren ura bildu eta ipar-mendebaldera egiten du, bihurgune handiekin. Rouen hiritik (Normandia) igaro ondoren, 25 kmko delta zabala eratu eta Le Havretik gertu Mantxako kanalean itsasoratzen da.

Sortaldetik sartaldera, honako departamendu hauek zeharkatzen ditu: Côte-d'Or, Aube, Marne, Sena eta Marne, Essonne, Marne Harana, Paris, Senako Gainak, Sena Saint-Denis, Val-d'Oise, Yvelines, Eure, Itsas Sena eta Calvados.

Ontziz ibil daiteke; Frantziako itsas joan-etorriaren heren bat ibai horretatik egiten da. Paris, Le Havre eta Rouengoak dira portu nagusiak. Rodano, Rhin eta Loira ibaiekin ubideen bidez lotua dago.

Ibaiadarrak aldatu

(Oharra: Es=Eskuinetik Ez=Ezkerretik)

Senaren ibaiadar nagusien arroak:

Hiriak aldatu

Zeharkatzen dituen hiri nagusiak hauek dira:

Uharteak aldatu

Hidrometria aldatu

Senaren emaria 1975-2010 bitartean neurtua izan da Poissyko estazioan (Île-de-France)[2]. Gune horretan, drainatutako eremuak 61.820 km² ditu, arro osoaren % 78,6. Batez besteko emaria 483 m³/s da. Emari handiena otsailean du (811 m³/s), eta txikiena abuztuan (250 m³/s).

Senaren batez besteko emariak (/s) Poissyn neurtuak
Datuak: 1975-2010 bitartean

Erreferentziak aldatu

Kanpo estekak aldatu