Ireki menu nagusia

Santa Helena[1] Ozeano Atlantikoko uharte bat da. Administrazioaren aldetik Erresuma Batuko itsasoz haraindiko lurralde bat osatzen du Ascension uhartearekin eta Tristan da Cunharekin batera, Santa Helena, Ascension eta Tristan da Cunha izenez. Hiru uharteek Santa Helenako dependentzia britainiarretako bat osatzen dute. Dependentziako hiriburu nagusia, Jamestown da.

Santa Helena
Saint Helena
Erresuma Batuko lurraldea
Bandera Armarria
Goiburua: Loyal and Unshakeable
(Leial eta ikaragaitza)
Ereserkia: God Save the Queen
Hiriburua
eta hiri handiena
Jamestown
Hizkuntza ofiziala(k) Ingelesa
Herritarra santa helenar, santa helenatar
Gobernua Itsasoaz haraindiko lurraldea
 -  Erregina Elisabet II.a
 -  Gobernadorea Mark Andrew Capes
Subiranotasuna
Azalera
 -  Guztira 410 km2 (40.)
 -  Ura (%) 81,1
Biztanleria
 -  Zenbatespena  (2003) 7.367
 -  Dentsitatea 18 bizt./km2
Dirua Santa Helenako libera (SHP)
Ordu-eremua UTC (UTC+0)
Aurrezenbakia 290
Internet domeinua sh

GeografiaAldatu

Afrikako kostaldetik 1.850 kilometrora dago. Sumendiek eragindako uhartea da. Klima epela da. Oso landaredi oparoa du barnealdean baina kostaldera hurbildu ahala murriztu egiten da.

Banaketa administratiboaAldatu

Santa Helena uhartea honela banatzen da administratiboki:

Barrutia Azalera
km²
Biztanleria
2008
Alarm Forest 5,9 276
Bahía de Sandy 15,3 205
Blue Hill 36,5 153
Half Tree Hollow 1,6 901
Jamestown 3,6 714
Levelwood 14,0 316
Longwood 33,4 715
Saint Paul's 11,4 795
Santa Helena (Isla) 121,7 4.255

BiztanleakAldatu

Europarrek (britainiarrak, batez ere), asiarrek eta Afrikako etorkinen ondorengoek osatzen dute Santa Helenako biztanleria. Kakatuak zeuzkaten.

HistoriaAldatu

Portugaldarrek aurkitu zuten uhartea 1502an, eta erbesteratuentzat egokitu zuten hasieran. 1645ean holandarrek hartu zuten. Ingalaterraren esku zegoen 1659an, eta aldi batez berriro holandarrek konkistatu bazuten ere (1673), ingelesen mende geratu zen betiko.

 
Santa Helena uhartearen hiriburu Jamestown hiria.

Hara erbesteratu zuten ingelesek Napoleon (1815-1821) eta han hil zen. 1834. urtean Ingalaterrako gobernuaren administraziopean jarri zen eta XIX. mendean portu garrantzitsu bihurtu zen Indietarako bidean, Suezko ubidea zabaldu zen arte, hain zuzen.

EkonomiaAldatu

Laborantza (lihoa, patata, artoa, barazkiak), abere hazkuntza (behi eta zerri azienda) eta arrantza dira ekonomia jarduera nagusiak. Garapen bidean dagoen herria da, eta Ingalaterrak kitatzen ditu uharteko urteko aurrekontuaren bi-heren. Estatu Batuen mendeko hegazkin base garrantzitsua dago Ascension uhartean.

ErreferentziakAldatu

Wikimedia Commonsen badira fitxategi gehiago, gai hau dutenak: Santa Helena  
  1. Euskaltzaindia: 70. araua: Mundu zabaleko uharte nagusiak