San Marko esklaboa askatuz
San Marko esklaboa askatuz (italieraz: Il miracolo di San Marco edo Il miracolo dello schiavo) Tintoretto italiar margolariaren margolan ezagunetariko bat da. Oso handia da (416zm x 544zm), eta ezaguna da batez ere bere irudi koloretsuengatik, ohikoa Veneziako Eskolan. Margolana benetako maisulana da, garairako oso berritzailea. Gaur egun, Veneziako Akademiaren Galerian ikus daiteke, Italian.[1]
| San Marko esklaboa askatuz Il miracolo di San Marco' | |
|---|---|
 | |
| Jatorria | |
| Sortzailea(k) | Tintoretto |
| Sorrera-urtea | 1540(e)ko hamarkada |
| Izenburua | Miracolo di san Marco eta The Miracle of the Slave (The Miracle of St. Mark Freeing the Slave) |
| Mugimendua | Italian Renaissance (en)  Veneziako eskola manierismoa |
| Ezaugarriak | |
| Materiala(k) | olio-pintura eta Margo-oihala |
| Dimentsioak | 415 ( ) × 541 ( ) cm |
| Genero artistikoa | arte sakroa |
| Egile-eskubideak | jabetza publiko |
| Deskribapena | |
| Oinarritua | Golden Legend (en) |
| Kokapena | |
| Lekua | Gallerie dell'Accademia (en) |
| Bilduma | Gallerie dell'Accademia (en) |
| Inbentarioa | 42 |
Historia aldatu
Jakina denez, San Marko Veneziako patronoa da eta lan hau da Tintorettok hari buruz egin zuen lehenetariko obra. Ondoren, santua Tintorettoren beste lanen protagonista izango zen. Normalean artistak santuaren oso ekintza garbiak eta zuzenak erakusten ditu, eskortzo bortitzen bidez, orduan Veneziako margolaritzan ezezaguna zen estiloan. Lana Scuola Grande di San Marco instituziorako prestatu zuen; instituzio horretan bere aitaordea izango zen Marco Episcopi zen arduraduna.
Gaia aldatu
Gaia Jacopo da Varazzek idatzi zuen Legenda aurea (Santuen bizitzak) liburuan oinarritzen da. Proventzako zaldun baten morroia San Marko erlikia batzuk gurtu zituen eta, horregatik, zigorra jasotzeko arriskuan zegoen. Zigorra tortura metodo batean oinarritzen zen: morroiaren hezurrak puskatu behar zituzten, eta, gainera, itsu utzi. Zalduna, gorriz jantzita, eskuinean eserita dago. Esklaboa jendea eta torturatzaile inguratuta dago; jendeak kuriositateaz begiratzen du. Izan ere, azken unean, santuaren agerpena tortura gel arazi egin zuen, morroia salbatuz. Santua goitik behera ikusten dugu, lurrean etzanda dagoen esklaboaren gorputzaren paraleloan, margolanaren erdian. Esklaboa biluzik agertzen da, erabat abailduta.
Eszena inguru arkitektoniko batean kokatzen da. Anatomia eta eskortzoa ohikoa da Tintorettoren lanetan, ziur aski Michelangeloren lanetan oinarrituta. Koloreak, biziak, ohikoak ziren Veneziako Eskolan. Dena dela, margoaren benetako protagonista argia da.[2]
Erreferentziak aldatu
- ↑ (Italieraz) «Tintoretto Il miracolo dello schiavo - Iconografia e Interpretazione» Venice Café 2017-09-06 (Noiz kontsultatua: 2021-04-13).
- ↑ (Italieraz) «Miracolo di San Marco - Tintoretto - Gallerie dell'Accademia, Venezia» uda.wng.it (Noiz kontsultatua: 2021-04-13).
Kanpo-estekak aldatu
- (Italieraz):Margolanaren azterketa.
Datuak: Q2273890
Multimedia: Miracle of the Slave by Jacopo Tintoretto / Q2273890
