San Adriango markesaren jauregia (Tutera)
San Adriango markesaren jauregia Nafarroako Tutera udalerrian dagoen Berpizkundeko jauregi bat da. Tuterako Alde Zaharreko Magallón kalean dago[1][2]. 1994ean Nafarroako kultura ondasuna izendatua izan zen.
| San Adriango markesaren jauregia | |
|---|---|
| Kultura ondasuna | |
 San Adriango markesaren jauregiaren irudia.  Irudi gehiago | |
| Kokapena | |
| Herrialdea |  Euskal Herria |
| Probintzia |  Nafarroa Garaia |
| Udalerria | Tutera |
| Koordenatuak | 42°04′N 1°36′W / 42.06°N 1.6°W |
 | |
| Arkitektura | |
| Ondarea | |
| BIC | RI-51-0008667 |
| Kontaktua | |
| Helbidea | Calle Magallón, 10 , Tudela |
Historia Aldatu
XVI. mendearen lehen erdialdean Juan de San Juanek eraiki zuen. 1991 eta 1993an zaharberritua izan zen, UNED eta Hizkuntza Eskola Ofizialeko egoitza bilakatuz.
Iberiar Penintsulako Gerran egun batzuz eta Tuterako gudua jazo arte, Francisco Javier Castaños jeneralaren koartel nagusia izan zen, gudu honetan, 1808ko azaroaren 23an Jean Lannes frantziar mariskalaren gudarosteek Castaños espainiar jeneralaren gudarosteak garaitu zituen.
Eraikina Aldatu
Adreiluz eginiriko Berpizkunde garaiko eraikina da. Fatxada balkoi, arkupe eta egur landuzko teilatu izkun harrigarriez osatua egoteaz gain, gizaki itxurako irudi eta hainbat frisoz apaindua dago. Barnealdean, berpizkundeko patio bikain bat dago, bi solairuko arkupez inguratua, bai eta eskailera dotore bat ere.
Erreferentziak Aldatu
- ↑ Martínez-Escalada, J. (1999). Historia de Tudela contada por sus calles. Navarro&Navarro, Zaragoza, 565. orr.
- ↑ García Gainza, M.A., Heredia Moreno, M.C., Rivas Carmona, J. y Orbe Sivatte, M. (1980). Merindad de Tudela. Catalogo Monumental de Navarra, Ed. Institución Príncipe de Viana, Arzobispado de Pamplona, Universidad de Navarra, I. bilduma, 492 orr., 723 irudi.
Ikus gainera Aldatu
Kanpo estekak Aldatu
Datuak: Q19900902
Multimedia: Palacio del Marqués de San Adrián
| Euskarazko Wikipedian bada atari bat, gai hau duena: Nafarroa |