Rachel Carson

Rachel Louise Carson (Pittsburgh (Pennsylvania), 1907ko maiatzaren 27a - 1964ko apirilaren 14a) zoologo eta itsas biologo estatubatuarra izan zen.

Rachel Carson
Irudi gehiago
Bizitza
Jaiotza	Rachel Carson Homestead (en) , 1907ko maiatzaren 27a
Herrialdea	Ameriketako Estatu Batuak
Bizilekua	Silver Spring (Maryland)
Heriotza	Silver Spring (Maryland), 1964ko apirilaren 14a (56 urte)
Hobiratze lekua	Parklawn Memorial Park (en)
Heriotza modua	berezko heriotza: bularreko minbizia miokardio infartu akutua
Familia
Ezkontidea(k)	ezkongabea
Hezkuntza
Heziketa	Chatham University (en) (1925 - 1929) Johns Hopkins Unibertsitatea (1929 - 1932ko maiatza) Arte-masterra
Hizkuntzak	ingelesa
Jarduerak
Jarduerak	itsas-biologoa, ekintzaile ekologista, zoologoa, saiakeragilea, autorea, kontserbatzailea, saiakeragilea, idazlea eta Barneko salatzailea
Enplegatzailea(k)	United States Fish and Wildlife Service (en) Marylandeko Unibertsitatea
Lan nabarmenak	ikusi Silent Spring (en) The Sea Around Us (en) The Edge of the Sea (en)
Jasotako sariak	ikusi John Simon Guggenheim Memorial Foundation beka  (1951) John Burroughs Medal  (1952) : The Sea Around Us (en) Emakumeen Arrakastaren Saloi Nazionala  (1973) Askatasunaren Domina Presidentziala  (1980) National Book Award for Nonfiction  (1952) : The Sea Around Us (en) Cullum Geographical Medal  (1963) Audubon Medal  (1963) AAAS Kavli Science Journalism Award  (1950) Maryland Women's Hall of Fame  (1985)
Influentziak	Aldo Leopold (en)
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia
rachelcarson.org

Ibilbidea

Amak piztu zion naturarekiko maitasuna eta laster hasi zen animaliei buruzko ipuinak idazten.

Zoologian eta genetikan lizentziatua zen Carson; eta idazle izateko asmoz, filologia ikasten hasi zen; baina, naturarekiko zaletasuna gailendu, eta biologiara pasatu zen. Familia-arazoak eta ekonomikoak zirela eta, ezin izan zuen doktoretza egin eta ikerkuntzan jarraitu; eta AEBetako Arrantza eta Basabizitzaren Zerbitzuan hasi zen lanean. Ikerketa-lanak berri­kus­tea eta profesionalei eta publiko orokorrari zuzendutako laburpenak eta testuak idaztea izan zen bere lana. Bere bi zaletasunak elkartu zitzaizkion hala: biologia eta idaztea.

Pestiziden industriaren desinformazioa salatu zuen, kutsadura saltzen zuelako aurrerapenaren izenean. Ondorioz, presio handiak jaso zituen. Hala ere, aurre egin zien eta aldi berean bularreko minbiziari aurre egiten zion. Udaberri isila (1962) argitaratu zuen, eragin handia izan zuena, batez ere Amerikako Estatu Batuetako pestizida politikan. Pestiziden eraginez hildako txorien kantuak faltako ziren udaberri bat iragartzen zuen liburuak eta geroko ingurumenari buruzko pentsamoldea martxan jartzen lagundu zuen.

Berari zor zaio, neurri batean DDTaren eta beste intsektizida, fungizida eta antzeko produktuen kontrolari buruzko legeak sortzea. Haren ikerketek martxan jarri zuten mugimendu filosofiko-politiko garrantzitsu bat, ekologismoa. Ingurumenaren aldeko kontzientzia modernoaren ama dugu.

«	Lehen aldiz munduaren historian, gizakia kontaktuan dago produktu kimiko arriskutsuekin (...). Goi-mendietako aintziretako arrainetan, lurpean bizi diren zizareetan, txorien arrautzetan eta gizakiarengan aurkitu dira (...). Amaren esnean azaltzen dira, eta jaiotzear den haurtxoaren ehunetan	»
Rachel Carson

Udaberri isila idazten ari zela diagnostikatu zioten bularreko minbiziaren ondorioz hil zen 1964an, 56 urte zituela.

Kanpo estekak

• Datuak: Q100948
• Multimedia: Rachel Carson / Q100948