Prestige kasko bakarreko petroliontzi bat izan zen. 77.000 tona petrolio zeramatzala, 2002ko azaroaren 19an Galiziako (Espainia) kostaldean hondoratu zen eta marea beltza erraldoia sortu, Mariano Rajoy ministroa zela. Costa da Morte ingurua kaltetuenetarikoa izan zen, arrantza sektorea bereziki kolpatuz.

Prestige
Fabrikazioa
FabrikatzaileaHitachi Zosen Corporation (en) Itzuli eta Hitachi
Historia
Prestigea
Inaugurazioa1976ko martxoaren 1a
Erregistro-herrialdeaBahamak, Grezia, Liberia eta Panama
Kokapena
Koordenatuak42°53′N 9°53′W / 42.88°N 9.88°W / 42.88; -9.88
Ezaugarriak
Dimentsioak14,05 (zingoa) × 34,55 (erruna) × 243,49 (luzera) m
Erruna34,55 m
Zingoa14,05 m
Tona-brutoak42.820
Abiadura15 kn
Identifikazioa
IMO zenbakia7372141
Berezko-portuaNassau
Dei-kodeaC6MN6
Bolondresak Galiziako kostak garbitzen.

Espainia, Portugal eta Frantziako kostaldeak beltzez busti zituen, Europako bazter hauetako inoizko hondamendirik handienetakoa eraginez. 2005. urtean oraindik ondorioak nabarmenak ziren kostaldeetan. Ontziaren kapitaina, Apostoulos Mangouras greziarra, salbamendu-ekipoekin ez kooperatzeagatik atxilotu zuten, baina 2005. urterako jadanik kalean zen.

Euskal Herriko kostaldera ere iritsi ziren petrolio arrastoak.

Garbiketa lanak aldatu

Hasieran, espainiar gobernuak pentsatu zuen 17.000 tona petrolio galdu egin zuela ontziak. 2003ko hastapenetan, zamaren erdia galdu zuela onartu zuten, eta azkenean 63.000 tona izan zela kalkulatu dute hainbat iturrik (%75a baino gehiago). 2004an gainontzeko 13.000 tona atera zuten hondoratutako itsasontzitik.

Garbiketarako kanpaina masiboa burutu zuten, boluntarioek eta profesionalek osatutako taldeka antolaturik. Ekimena arrakastatsua izan zen, eta kostaldeko hainbat zati berreskuratu ahal izan zuten. Urte bat geroago, Galiziako hainbat hondartza errekuperatu zituzten bainurako.

Nunca Mais aldatu

Nunca Mais izeneko plataformak hilabete haietan esparru askotako taldeak (>200 elkarte eta erakunde) eta hiritarrak batu izan zituen hondamendia salatzeko. Aldarrikapen modu askotarikoak erabili zituzten salaketa ahalik eta urrunen iristeko, hondamendi eremu izendatzeko eta ondorio sozioekonomikoak eta osasunean eta ingumenean eragindakoak lehen bai lehen lehengoratzeko. Halaber, esklatu zuten prebentzio mekanismoak tamaina honetako katastrofeak ekiditeko. Manifestazio jendetsuena 2002ko abenduaren 1ean Santiagon egindakoa izan zen (200.000 pertsona).

2006ko abuztuan plataforma berraktibatu egin zuten uda partean Galizian ohikoak diren suteen aurka protestatzeko. Ingurumeneko terrorismoaren kontra hitz batean.

Ekologismoaren alde Galizian inoiz piztutako mugimendurik handiena da zalantza barik.

Bibliografia aldatu

  • Lobato, Xurxo (2003): No país do Nunca Máis. Editorial Galaxia, Vigo.
  • Paz, Xavier eta Vázquez Carpentier, Alba (2007): Nunca Máis. A voz da cidadanía II. Difusora, Ourense

Kanpo estekak aldatu