Piarres Larzabal ikastetxea

Piarres Larzabal ikastetxea
Kokapena
Herrialdea	Euskal Herria
Probintzia	Lapurdi
Herria	Ziburu
Koordenatuak	43°23′01″N 1°41′24″W / 43.383721°N 1.689966°W
Historia eta erabilera
Irekiera	1999
Izenaren jatorria	Piarres Larzabal
	Webgune ofiziala

Piarres Larzabal ikastetxea edo Piarres Larzabal kolegioa Lapurdiko Ziburu eta Zokoa herrien artean dagoen ikastola bat da, kolegio mailako ikasketak eskaini eta, besteak beste, Hendaia eta Donibane Lohizune inguruko ikasleak biltzen dituena.

Historia aldatu

1999-2000 ikasturtean zabaldu zituen bere ateak eta horrela Ipar Euskal Herriko bigarren mailako bigarren kolegioa izan zen, Kanboko Xalbador kolegioaren ondoren.^[1]

2006z geroztik, Untsin bazterrean kokatua da eta Ziburuko itsas lizeoaren ondoan da. Piarres Larzabal kolegioa euskal kulturan murgildua da.^[2] 2006ko urriaren 7an estreinatu zen kolegio berria.

Helburuak aldatu

40 urtez hasitako euskararen irakaskuntza hedatzearen abentura jarraitzen du. Piarres Larzabal kolegioa Seaska erakundearen partaidea da. Seaskako filosofian eta hezkuntza proiektuan oinarritzen da. Lehen mailetan erakusten denaren jarraipena bideratzen du.

Proiektua esperientzien bitartez egokitzen da, baina erronka batzuk gelditzen dira, hala nola: "gure gazteak euskaraz bizi daitezen beti lortzekoa da".^[3]

Kolegioko hezkuntza-proiektuaren arabera ahalegintzen da ikasle bakoitzak,

Egunerokoan bere hoberena eskain dezan
Errespetua gara dezan, bai berekiko eta besteekiko
Ikastegiko bizian parte har dezan, herritar gisa lehen urratsak pausatuz.

Irakaskuntza aldatu

Ikastegiak finkatu dituen helburu nagusiak gauzatzeko pedagogia eta hezkuntza ekintzailean sustraitzen da, harreman hertsiak gurasoekin elikatzen ditu eta pedagogia proiektu berezi anitz uztartzen ditu.^[4]