Kanariar palmondo
Kanariar palmondoa (Phoenix canariensis) Arecaceae familiako palmondo bat da, jatorria Kanariar Uharteetan duena. Datil-palmondoaren (Phoenix dactylifera) hurbileko senidea da.
| Kanariar palmondo | |
|---|---|
 | |
| Iraute egoera | |
 Arrisku txikia (IUCN 3.1) | |
| Sailkapen zientifikoa | |
| Erreinua | Plantae |
| Ordena | Arecales |
| Familia | Arecaceae |
| Leinua | Phoeniceae |
| Generoa | Phoenix |
| Espeziea | Phoenix canariensis |
Kanariarekin batera, Kanarietako ikur ofizialetako bat da.
Ezaugarriak aldatu
Hosto iraunkorreko zuhaitz handia da kanariar palmondoa: 20 m garai izatera izan daiteke. Adaburua tamaina handikoa da, eta hosto -palma- luze eta ugari ditu.
Zurtoina – Azala aldatu
Palmondoaren zurtoin luze eta bakarrak estipe izena du. Enborra gorantz hazten da -palmondo mota guztietan bezala-, eta ez zeharka; hori dela eta, palmondo guztiek enbor bakarra eta luzea dute, baina ez alboko adarrik. Gorantz bakarrik hazten da, ez zabalean.
Zurtoinak zartadura horizontalak ditu: azpiko hostoek erortzean, utzitako seinaleak dira. Azala marroi-grisa da.
Hostoak aldatu
Palmondoaren hostoak oso handiak eta pinatuak dira: 150-200 inguru foliolo dituzte -zurrunak eta puntazorrotzak-.
Loreak aldatu
Palmondo mota hau zuhaitz dioikoa da, eta panikula horiak, handiak eta zintzilikariak osatzen dituzte loreek.
Fruituak aldatu
Fruitua -drupa erakoa- laranja kolorekoa da, eta sorta ederretan sortzen da. Lehorra eta janezina da, eta urtebete behar du heltzeko.
Habitata aldatu
Kanariar Uharteetan du jatorria palmondo mota honek. Izotzik gabeko klima epelak, eta udaren eta neguaren artean tenperatura alde handirik ez duten klimak dituzte berezkoak palmondoek; hau da, klima tropikalak eta ekuatorialak.
Euskal Herrian lorategi batzuetan aurki ditzakegu, eguteran.
Erabilera aldatu
Lorategiak eta parkeak apaintzeko erabiltzen dira palmondo hauek. Kanariar uharteetan, eztia egiten dute loreekin, eta erratzak palmekin.
Erreferentziak aldatu
- Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.
Datuak: Q27657
Multimedia: Phoenix canariensis / Q27657
Espezieak: Phoenix canariensis
