Peter Singer

Peter Albert David Singer (Melbourne, 1946ko uztailaren 6a) australiar filosofoa. Melbourneko eta Oxfordeko (Ingalaterra) unibertsitateetan egin zituen ikasketak. 1971-1973 bitartean Oxfordeko irakasle izan zen, eta harrezkero zenbait fakultatetan lan egin du Estatu Batuetan eta Italian; 1977an filosofiako irakasle izendatu zuten Melbourneko Monash Unibertsitatean. 1987-1991 bitartean Monasheko Giza Bioetikako Zentroko zuzendari izan zen, eta hango zuzendari-laguntzaile da 1992az gero. Singer XX. mendeko arrazionalistatzat hartua da; arrazoian oinarrituriko sistema filosofiko baten aldekoa da, alde batera utzirik sentimendua, norberaren interesa edo gizarte-baldintzak. Umekien esperimentazioarekin, ingeniaritza genetikoarekin, abortuarekin eta abarrekin zerikusia duten arazo etikoez dihardu. Bere ustez, etikoki zuzentzat jo behar da ekintza bat baldin eta ekintza horrek ahalik eta jende gehienentzat ahalik eta ondorio onuragarri gehien ekarriko badu. Singerren liburuen artean azpimarratzekoak dira Animalien askapena (1975), Etika praktikoa (1979) eta Nola biziko gara? (1993). Bere argitalpenen eskubideak nazioarteko laguntzarako erakundeei eta animalien askapenaren aldeko mugimenduei ematen dizkie eta irabazien % 10-20 pobreei, aberatsek behartsuei laguntzeko betebehar etikoa baitute bere ustez.

Peter Singer
Peter Singer 2017 (cropped).jpg
Bizitza
Izen osoa Peter Albert David Singer tcplts
Jaiotza Melbourne1946ko uztailaren 6a (74 urte)
Herrialdea  Australia
Lehen hizkuntza Australian English (en) Itzuli
Hezkuntza
Heziketa University College, Oxford (en) Itzuli 1971) Bachelor of Philosophy (en) Itzuli
Melbourneko Unibertsitatea 1967) Artean graduatu, Arte-masterra
Scotch College (en) Itzuli
Hizkuntzak ingelesa
Australian English (en) Itzuli
Jarduerak
Jarduerak filosofoa, katedraduna, idazlea eta politikaria
Enplegatzailea(k) Princetongo Unibertsitatea
Monash University (en) Itzuli
University College, Oxford (en) Itzuli
Melbourneko Unibertsitatea
New Yorkeko Unibertsitatea
La Trobe University (en) Itzuli
Lan nabarmenak Animal Liberation (en) Itzuli
The Life You Can Save (en) Itzuli
Jasotako sariak
Mugimendua Mendebaldeko filosofia
Sinesmenak eta ideologia
Erlijioa ateismoa

petersinger.info
IMDB: nm1638299 Facebook: peter.singer.16718 Twitter: petersinger TED: peter_singer Edit the value on Wikidata

ErreferentziakAldatu

Wikimedia Commonsen badira fitxategi gehiago, gai hau dutenak: Peter Singer  


  Artikulu hau Victoriako biografia baten zirriborroa da. Wikipedia lagun dezakezu edukia osatuz.