Peter Maxwell Davies

Peter Maxwell Davies
	; Irudi gehiago
Master of the King's Music (en)	;
Master of the King's Music (en)
Bizitza
Jaiotzako izen-deiturak	Peter Maxwell Davies
Jaiotza	Salford eta Manchester, 1934ko irailaren 8a
Herrialdea	Erresuma Batua
Heriotza	Sanday (Orkadak), 2016ko martxoaren 14a (81 urte)
Heriotza modua	berezko heriotza: leuzemia
Hezkuntza
Heziketa	Manchesterreko Unibertsitatea ; Moorside High School (en) ; Royal Manchester College of Music (en) ; (1952 - 1957) ; Princetongo Unibertsitatea ; (1962 - 1964)
Hizkuntzak	ingelesa
Irakaslea(k)	Richard Hall
Ikaslea(k)	ikusi Roberto Brambilla (en) ;
Jarduerak
Jarduerak	classical composer (en) , orkestra zuzendaria, musika-irakaslea, soinu banda konpositorea, piano-jotzailea, musikagilea eta pedagogoa
Enplegatzailea(k)	Royal Academy of Music
Lan nabarmenak	ikusi Symphony No. 4 (en) ;
Jasotako sariak	ikusi Britainiar Inperioko Ordenaren komendadorea ; Royal Philharmonic Society Gold Medal (2015) ; Walter Willson Cobbett Medal ;
Kidetza	Bavariako Arte Ederren Akademka
Genero artistikoa	opera; sinfonia
Musika instrumentua	pianoa
Diskoetxea	EMI Classics

Peter Maxwell Davies (Manchester, Ingalaterra, 1934ko irailaren 8a - Sanday, Orkadak, Eskozia, 2016ko martxoaren 14a) abangoardiako musikagilea izan zen.

Bizitza aldatu

Manchesterko Musika Talde Berriko kide zen, Birtwisle eta Alexander Goehrrekin batera. Musika-ikasketak Manchesterko Musika Eskolan eta Manchesterko Unibertsitatean egin zituen. 1957an, beka bat irabazi zuen Goffredo Petrassi musikagile italiarrarekin Erroman ikasteko. Ikasketak amaitu ostean, musika-irakasle izan zen Cirencesterko eskolan. 1967an, musikagile eta interprete gisa hasi zen Pierrot Playersekin (taldearen sortzaile izan zen, Birtwislerekin batera). Daviesen hurrengo hiru urteetako konposizio gehientsuak esandako taldeak interpretatu zituen. 1970ean desegin zen taldea, eta The Fires of London izeneko taldea sortu zuen Daviesek, musika-zuzendari bakarra bera zela. Urte hartatik aurrerako musika gehiena Eskoziako Orkney uharteetan egin zuen, eta eskoziar musikan oinarritu zituen bere konposizio asko.

Gizon armatuaren gaineko meza izeneko obran, Erdi Aroko musikako hainbat elementu antzematen dira, ez dago alferrik XIII. mendeko dantzetan inspiratua. Antzerkirako egin dituen lanen artean aipatzekoak dira Eight song for a mad king, Le jongleur de Nôtre Dame maskaradarako idatzia eta Vesalii icones. Hainbat opera ere idatzi ditu: Taverner, XVI. mendeko musikagilearen bizitzari buruzkoa, The two fiddlers, Orkneyko haurrentzat idatzia, The Lighthouse, The martyrdom of St. Magnus eta Ave Maris Stella. Aipagarriak dira, orobat, Veni Sancte spiritus, Magnum mysterium, Leopardi fragments (tronpetarako sonata), bi sinfonia eta Turris campanarum sonatium, Yamash'ta japoniar perkusionistarentzat idatzia.

2004. urtean Master of the Queen's Music izendatu zuten, eta 2008. urtean Manchester University Music Societyko (MUMS) buru. 2009tik aurrera, Cambridgeko Homerton Collegeko ohorezko kide zen.

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q139223
Multimedia: Peter Maxwell Davies / Q139223