Pedro Sanjuan
Pedro Sanjuan Nortes (Donostia, 1886ko azaroaren 15a – Washington Hiria, 1976ko urriaren 18a) gipuzkoar musikagile, musika irakasle eta orkestra zuzendaria izan zen.
| Pedro Sanjuan | |
|---|---|
| Bizitza | |
| Jaiotza | Donostia, 1886ko azaroaren 15a |
| Herrialdea |
 Gipuzkoa, Euskal Herria |
| Heriotza | Washington, 1976ko urriaren 18a (89 urte) |
| Jarduerak | |
| Jarduerak | orkestra zuzendaria, musikagilea eta musikologoa |
Madrilen Pérez Casas eta Turinaren ikasle izan zen. Ikasketak Parisen amaitu zituen, Vincent d'Indyren Schola Cantorumen. Madrilera itzuli eta bertako Orkestra Sinfonikoa eta Filarmonikoa zuzendu zituen. Urte haietan, Espainiako folklorea eta musika tradizionala modu berritzailean landu zituen. Castilla sinfonia da garai hartako lanik aipagarriena[1].
1923an Kubara joan zen eta ondoko urteetan bolada luzeak igaro zituen bertan. 1924an Habanako Orkestra Filarmonikoa sortu eta 1932 arte zuzendu zuen [2]. Uharteko musikak, bai kolonialak bai afroamerikarrak, eragin handia izan zuen bere lanetan. Honen adibidea Liturgia negra sinfonia da, 1934an Espainiako Musika Sari Nazionala irabazi zuena[1].
Errepublikaren aldekoa zenez, Espainiako Gerra Zibilaren ondoren ez zen Espainiara itzuli. Kaliforniara joan zen bizitzera eta orkestrak zuzentzen eta unibertsitatean klaseak ematen aritu zen, 1976an hil zen arte[1].
Musika lanakAldatu
Orkestrarako lanakAldatu
- Afrodita, poema sinfonikoa
- Boceto sinfónico
- Changó
- El Dragón de Fuego
- Liturgia negra
- Paisajes y Lugares
- Poema pastoral
- Rondó fantástico
- Sones de Castilla, ganbera orkestrarako
- Sulelka
Banda sinfonikorako lanakAldatu
Ahots musikaAldatu
- Baile de pandero
- Campesina, ahots eta orkestrarako
- Castilla, ahots eta orkestrarako
- Ronda o Canto de trilla
Pianorako musikaAldatu
- La Torre de los Lujanes (1929)
Kitarrarako lanakAldatu
- Una leyenda (1923)
ErreferentziakAldatu
- ↑ a b c Ane URRUTIKOETXEA: Itsasoz bestaldeko musikaria Berria.info
- ↑ Pedro Sanjuán Soncubano.com
Kanpo loturakAldatu
- Nerea LIZARRALDE: Atlantikoaren bestaldetik Irutxulo
- (Gaztelaniaz) Enrique FRANCO: Pedro Sanjuán, olvidado y muerto Elpais.com
Datuak: Q2194372
