Pedro Egaña
Pedro Egaña Díaz del Carpio (Gasteiz, Araba, 1803ko otsailaren 21a – Zestoa, Gipuzkoa, 1885eko irailaren 4a) politikaria izan zen. Liberala eta foruzalea izan zen.
| Pedro Egaña | |||||
|---|---|---|---|---|---|
 | |||||
| |||||
| Bizitza | |||||
| Jaiotzako izen-deiturak | Pedro de Egaña y Díaz del Carpio | ||||
| Jaiotza | Gasteiz, 1803ko otsailaren 21a | ||||
| Herrialdea |  Araba, Euskal Herria | ||||
| Heriotza | Zestoa, 1885eko irailaren 4a (82 urte) | ||||
| Hobiratze lekua | Santa Isabel hilerria | ||||
| Familia | |||||
| Familia | ikusi
| ||||
| Hezkuntza | |||||
| Heziketa | Sancti Spiritus Unibertsitatea | ||||
| Hizkuntzak | gaztelania | ||||
| Jarduerak | |||||
| Jarduerak | politikaria eta enpresaburua | ||||
| Lantokia(k) | Madril | ||||
| Jasotako sariak | |||||
.svg){kind=small}
Bizitza aldatu
Oñatiko Unibertsitatean Zuzenbideko ikasketak egin ondoren, gerra aholkulari aritu zen Granadako eta Jaengo Kapitain Nagusiaren zerbitzuan. 1838an kargua utzi eta fiskal izendatu zuten, Burgosko epaitegian. Bergarako Besarkadak jakin-mina piztu zion, eta akordio hartaz geroztik Hego Euskal Herriko foruen alde lan egin zuen. Izan ere, 1839an Gasteizko diputatu izan zen, eta haren eragina nabari zen foruen aldeko legegintzan.
1840. urtean diputatu hautatu zuten Gipuzkoan, liberal moderatuen aldetik. 1846an Justiziako ministro egin zuten; Gobernazioko ministro 1853an. Hona hemen 1844ko uztailaren 10eko bere hitzaldiaren zati bat:
| « | Hor ez dute karlistek ez liberalek egon behar, ez moderatuek ezta erradikalek ere, baizik eta foruzaleek, edo gauza bera dena, euskal herritar zintzo leialek. Herri bat bere nazionalitatea galtzeko zorian dagoenean, herritar gaiztoa da zatiketaren alde jartzen dena. | » |
| Pedro Egaña, 1884ko uztailaren 19an | ||
Senatari, Espainiako gorteetako diputatu eta Arabako Diputatu Nagusia ere izan zen. 1848an, La España egunkaria sortu zuen, ideia liberal eta moderatuak jakinarazteko. 1852an, “Egaña Legea” atera zuten, eta lege hori Hego Euskal Herriko udalerrien onerako izan zen. Borboien berrezarkuntzan kolaboratu zuen, eta gero, bere bizitza publikoa bertan behera utzi zuen. Arabako politikari nagusietakoa izan zen XIX. mendean.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q5401956
Multimedia: Pedro de Egaña / Q5401956
