Ote-urdin

Ote-urdin
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Lycaenidae
Leinua	Polyommatini
Generoa	Plebejus
Espeziea	Plebejus argus; Linnaeus, 1758
Datu orokorrak
Ostalaria	Mendiko uso-belar, Helianthemum, Ote eta Calluna
Zabalera	28,5 mm

Ote-urdina (Plebejus argus) Lycaenidae familiako lepidopteroen espezie bat da. Europan eta Asian aurkitzen da, Iberiar penintsula eta Ingalaterra hegoaldetik Japoniaraino.

Deskribapena aldatu

Imagoa aldatu

Tximeleta txikia da, 22-30 mm-ko hegal zabalera du. Arrak eta emeak desberdinak dira. Arren kasuan hegalak urdinak dira eta atzeko hegoetan zilar koloreko orbain txikiak ditu. Hegalen ertzetan marra zuria eta beltza ditu. Emeak marroiak dira, baina orbain metalikoak ere baditu atzeko hegoetan^[1].

Hegalen azpialdean sexu bietako tximeletak oso antzekoak dira. Kolore argia dute eta hegalen kanpoaldera eraztun zuridun orban beltz ugari dituzte. Ertzetan kolore zuriak eta laranjak agertzen dira^[1].

Beldarra aldatu

Ote-urdinaren beldarra berdea da eta marra ilun batek zeharkatzen du gorputza. 1'3 cm-ko luzera hartzen du.

Mutualismoa aldatu

Inurri beltzaren (Lasius niger) habien inguruan jartzen ditu arrautzak. Inurriek arrautzak eta beldarrak zaintzen dituzte, harraparietatik eta bizkarroietatik babestuz. Beldarrak sustantzia gozoa jariatzen du eta inurriak elikatzen ditu. Krisaldida eratzen denean inurriek zaintzen jarraitzen dute, tximeleta heldua sortzen den arte^[2].

Iruditegia aldatu

Arra.
Emea.
Azpialdea.
Arrautza.
Inurriak beldarra zaintzen.

Erreferentziak aldatu

↑ ^a ^b (Gaztelaniaz) Valderrey, Juan Luis Menéndez. «Niña hocecillas. Plebejus argus» Naturaleza y turismo (Noiz kontsultatua: 2022-02-20).
↑ (Ingelesez) Jordano, D.; Rodríguez, J.; Thomas, C. D.; Fernández Haeger, J.. (1992-09-01). «The distribution and density of a lycaenid butterfly in relation to Lasius ants» Oecologia 91 (3): 439–446. doi:10.1007/BF00317635. ISSN 1432-1939. (Noiz kontsultatua: 2022-02-20).

Kanpo estekak aldatu

Datuak: Q926992
Multimedia: Plebejus argus / Q926992
Espezieak: Plebejus argus

[:0-1] (Gaztelaniaz) Valderrey, Juan Luis Menéndez. «Niña hocecillas. Plebejus argus» Naturaleza y turismo (Noiz kontsultatua: 2022-02-20).

[2] (Ingelesez) Jordano, D.; Rodríguez, J.; Thomas, C. D.; Fernández Haeger, J.. (1992-09-01). «The distribution and density of a lycaenid butterfly in relation to Lasius ants» Oecologia 91 (3): 439–446. doi:10.1007/BF00317635. ISSN 1432-1939. (Noiz kontsultatua: 2022-02-20).

[1]

[2]