Ireki menu nagusia
Karlomagnoren Xakea, Orreagako museoan topa daiteken altxorretako bat

Orreagako Museoa Orreagako multzo monumentalean kokatua dagoen museo da. Orreagako museoak Andre Mariaren Errege Kolegio-elizaren arte sakratuko bilduma eskaini du: zizel lanak, mihiseak, numismatika, liburu zaharra, eskuizkribua eta inprimakia eta baita urregintza ere, horixe baita funtsik garrantzitsuena.

Azpimarratzekoak ditugu ondokoak:

  • Zilarrezko Ebanjelio Liburu erromanikoa (1200. urtea),
  • XIII. mendeko urre koloreko zilarrezko Kutxatila eta filigrana gotiko-mudejarra,
  • Karlomagnoren Xakea izenez ezagutzen den erlikia-ontzia (XIV. mende erdialdekoa, Montpellierreko eztenarekin egina)
  • Miramamolin izeneko esmeralda (Navas de Tolosako guduan Antso Azkarrak irabazitako garaikurra).

Pinturen arloan, nabarmentzekoak dira Kalbarioaren Triptikoa, El Boscoren eskolakoa eta San Juanitoren Familia Sakratua, Luis de Moralesena.