Oinarrizko Hezkuntza Orokorra

Oinarrizko Hezkuntza Orokorra (OHO, gaztelaniaz: Educación General Básica, EGB) derrigorrezko eskolatzea 8 ikasturtez osatuta zegoen Espainian. Legeak bi etapatan banatzen zuen:

• Lehen etapa: OHOko 1. mailatik 5. mailara, 6, 7, 8, 9 eta 10 urterekin, eta
• Bigarren etapa: OHOko 6. mailatik 8. mailara, 11, 12 eta 13 urterekin (ikasturteren bat errepikatu ezean).

Egitura hori hiru ziklotan banatua izatera igaro zen 1981etik aurrera:

• Hasierako zikloa: OHOko 1. eta 2. mailak, 6 eta 7 urterekin,
• Erdiko zikloa: OHOko 3., 4. eta 5. mailak, 8, 9 eta 10 urterekin, eta
• Goiko zikloa: OHOko 6., 7. eta 8. mailak, 11, 12 eta 13 urterekin (ikasturteren bat errepikatu ezean).

OHOko goiko zikloko irakasgaiak hauek ziren:

• Hizkuntza arloa, Euskara eta Gaztelania
• Hizkuntza arloa, Atzerriko Hizkuntza
• Matematika eta Natur Zientziak
• Gizarte arloa
• Gorputz hezkuntza eta kirolak
• Hezkuntza estetikoa eta preteknologikoa
• Erlijioa

1979tik aurrera, ikastetxe askotan erlijio irakasgaiaren ordez, Etika ikasteko aukera eskaini zen, baina eskolatze-liburu ofizialak Erlijioa izendapena mantendu zuen.

Oinarrizko irakaskuntza amaitu ondoren, ikasleek Eskola Graduatu titulua jasotzen zuten, "ikastaroak behar adinako aprobetxamenduarekin" egin bazituzten, bestela Eskolatze-ziurtagiria jasotzen zuten. Puntu horretan, hezkuntza-ibilbidearekin jarraitu nahi bazuten bi ibilbideren artean aukeratu behar zuten: Batxilergo Bateratu Balioaniztunean segitzea (BBB) edo Lehen Mailako Lanbide-Heziketako (LH-1) ikasketetan.

Kanpo estekak

• Datuak: Q8772451