Nikolai Trubetskoi
Nikolai Sergeievitx Trubetskoi (errusieraz: Никола́й Серге́евич Трубецко́й, trʊbʲɪtsˈkoj ahoskatua; Mosku, Errusia, 1890eko apirilaren 16a - Viena, Austria, 1938ko ekainaren 25a) errusiar hizkuntzalaria izan zen.
| Nikolai Trubetskoi | |
|---|---|
 | |
| Bizitza | |
| Jaiotza | Mosku, 1890eko apirilaren 4a (juliotar egutegia) |
| Herrialdea |  Errusiar Inperioa  Sobietar Errepublika Sozialisten Batasuna |
| Heriotza | Viena, 1938ko ekainaren 25a (48 urte) |
| Hobiratze lekua | Vienna Central Cemetery (en)  |
| Heriotza modua | berezko heriotza: miokardio infartu akutua |
| Familia | |
| Aita | Sergei Nikolaevich Trubetskoy |
| Ama | Praskovya Obolenskaya |
| Leinua | Gediminids (en) |
| Hezkuntza | |
| Heziketa | Faculty of History and Philology of Moscow University (en) |
| Hezkuntza-maila | doktoretza |
| Hizkuntzak | errusiera alemana txekiera |
| Jarduerak | |
| Jarduerak | hizkuntzalaria, historialaria, unibertsitateko irakaslea, phonologist (en) eta filosofoa |
| Enplegatzailea(k) | Vienako Unibertsitatea Sofiako Unibertsitatea |
| Kidetza | Arteen eta Zientzien Herbehereetako Errege Akademia |
  | |
Biografia aldatu
Aristokraziako familia batean jaio zen. Hamabost urte zituela etnografia, soziologiako eta historiako artikuluak argitaratu zituen. Unibertsitatean hizkuntza indoeuroparren gramatika konparatua ikasi zuen. Kaukasoko hizkuntzak ikasi zituen, eta gero, Leipzigen, sanskritoa eta hizkuntza avestikoa.
Irakasle izan zen Moskun, eta Iraultza ondoren Rostoven, Istanbulen, Sofian eta, azkenik, Vienan. Ferdinand de Saussure eta Baudouin de Courtenay hizkuntzalarien jarraitzailea zen; harreman handia izan zuen Roman Jakobson hizkuntzalariarekin eta Pragako eskolaren lanetan parte hartu zuen. 1928tik aurrera fonologia izan zuen azterketa eta lan guztien ardatza. Trubetskoi izan zen hizkuntzaren alderdi fonetikoa sistematizatu eta fonemaren definizio zientifikoa eman zuen lehena. Fonemak oposizio bidez sailkatu zituen eta horien tipologia finkatu zuen; alegia, estrukturalismoa hizkuntzaren alderdi fonikoari aplikatu zion. Fonologiaren oinarriak jarri zituen eta teoria bakartuak bateratu eta sistematizatu zituen.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q159491
Multimedia: Nikolai Trubetzkoy / Q159491
