Neville Marriner
Neville Marriner (Lincoln, Lincolnshire, 1924ko apirilaren 15a - 2016ko urriaren 2a) britainiar orkestra zuzendari eta biolinista izan zen.
| Neville Marriner | |
|---|---|
 (2010) | |
| Bizitza | |
| Jaiotza | Lincoln, 1924ko apirilaren 15a |
| Herrialdea |  Erresuma Batua Britainia Handia eta Irlandako Erresuma Batua 1927ko apirilaren 12a) |
| Heriotza | Londres, 2016ko urriaren 2a (92 urte) |
| Heriotza modua | berezko heriotza |
| Familia | |
| Seme-alabak | ikusi
|
| Hezkuntza | |
| Heziketa | Parisko Kontserbatorioa Royal College of Music Lincoln Christ's Hospital School (en)  |
| Hizkuntzak | ingelesa |
| Jarduerak | |
| Jarduerak | orkestra zuzendaria, musikagilea, musikaria eta biolin-jotzailea |
| Enplegatzailea(k) | Royal College of Music |
| Jasotako sariak | ikusi
|
| Genero artistikoa | musika klasikoa |
| Musika instrumentua | biolina |
| Diskoetxea | Éditions de l'Oiseau-Lyre (en) Decca (en) EMI Philips Classics Records (en) Philips |
       | |
_rib.PNG){kind=small}
.svg){kind=small}
Londresko Royal College of Music eskolan hasi zen biolin-ikasketak egiten, hamahiru urte zituela, eta 1944. urtean graduatu zen han bertan. Bigarren Mundu Gerran parte hartu zuen, eta gerrako zaurietatik sendatzen ari zela Robert Thurston Dart musikologo, klabe-jotzaile eta antzinako musikari buruzko lanen idazlea ezagutu zuen; garrantzi handiko lanak egin zituen harekin aurrerantzean. Gerraren ondoren Londresen eta Parisen osatu zituen ikasketak, eta Etonen irakasle gisa denboraldi labur bat egin ondoren Dartekin batera bikotea osatu zuen (Dartek klabezina jotzen zuela) lehenik, eta Jacobean Ensemble taldea ondoren, zeinarekin egin baitzituen zenbait grabazio 1950ean. 1959. urtea arte biolineko irakasle gisa lan egin zuen Royal College of Musicen. 1956an Londresko Orkestra Sinfonikoarekin lanean hasi zen (12 urteko lankidetza izan zen), bigarren biolinista gisa. Garai hartan sortu zuen Academy of St Martin-in-the-Fields ganbera orkestra, bere teknika eta estilo bikainari esker mundu osoan ospea lortu zuena, eta hainbat grabazio arrakasta handiko egin dituena. Marriner 20 urtez izan da Academy of St Martin-in-the-Fields orkestraren zuzendari, eta 1968an Los Angelesko Ganbera Orkestraren zuzendari nagusi izendatu zuten. 1977an zuzendu zuen lehenengo aldiz opera, Manchesterren. 1979an Minnesotako orkestraren zuzendari nagusi izendatu zuten, eta 1986. urtea arte jardun zuen bertan.
Erreferentziak aldatu
Wikimedia Commonsen badira fitxategi gehiago, gai hau dutenak: Neville Marriner  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q318636
Multimedia: Neville Marriner / Q318636
