Nekora
- "Txamar" hitzak artikulu honetara dakar. Jantzia gaitzat duena beste hau da: Zamar.
Nekora edo txamarra (Necora puber) krustazeo dekapodo espezie bat da, sukaldaritzan oso aintzat hartzen den karramarroa. Necora generoko espezie bakarra da, hau da, monotipikoa. Bizkaian parte txarreko karramarro ere diote.[1]
| Nekora | |
|---|---|
.jpg) | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Malacostraca |
| Ordena | Decapoda |
| Familia | Portunidae |
| Generoa | Necora |
| Espeziea | Necora puber (Linnaeus, 1767)
|
| Datu orokorrak | |
| Gizakiak ateratzen dizkion produktuak | velvet crab as food (en)  |
Nekora Norvegia hegoaldetik Mendebaldeko Sahara arte bizi da, eta Mediterraneoaren eskualde batzuetan ere bai. Itsas hondo harritsuetan bizi da, itsasertzetik 65 metroko sakonera arte.
Ezaugarriak aldatu
Gorputza ile fin-finez estalia du, belus itsura emanez. Oskola arrexka edo beltzaxka du, tarte urdinekin, 7–15 cm zabalekoa. Lehengo pereiopodo (hanka) parea besteak baino handiagoa da eta haginak ditu. Azken pereiopodo parea zabala da, igeri egiten errazteko.
Negu azkenetan, arrak emea ernaltzen du, hazia hazi-putzu baten ipintzen du eta handik pasatzen dira arrautzak errun momentuan, martxo inguruan.
-
Bizkarraldea -
Aurrealdea -
Sabelaldea
Sukaldaritza aldatu
Nekorak merkatuko karramarro espezietan haragirik finena eta estimatuena du. Prestatzeko ohiko era egostea da. Ohiko platera da Europa Mendebaldean Atlantikoaren kostaldean, Euskal Herria barne.
Erreferentziak aldatu
- ↑ Barrutia, Eneko. (2003). «Arrainen izenak Bizkaian XX. mendean» (pdf) Zainak (Donostia: Eusko Ikaskuntza) (25) ISBN 8484198790. ISSN 1137-439X. Bibcode: 1137-439X..
Datuak: Q853487
Multimedia: Necora puber / Q853487
Espezieak: Necora puber
