Ireki menu nagusia

Nazario Oleaga

Euskal legegilea eta euskaltzalea (1884-1961)

Nazario Oleaga Muguruza (Bilbo, Bizkaia, 1884ko uztailaren 28a - Bilbo, 1961eko abenduaren 5a) legegilea eta euskaltzalea izan zen.

Nazario Oleaga
Bizitza
Jaiotza Bilbo1884ko uztailaren 28a
Herrialdea  Bizkaia, Euskal Herria
Heriotza Bilbo1961eko abenduaren 5a (77 urte)
Jarduerak
Jarduerak legelaria

BiografiaAldatu

Deustun eta Salamancan egin zituen zuzenbideko ikasketak. Zeanuriko udaleko idazkaria zen, eta sortu berri zen Euskaltzaindiko urgazle izendatu zuten, euskararen alde egiten zuen lan gaitzagatik. Errepublika sortu ondoren, eraturiko Euskal Aldarrikapenen Aldeko Batzordeko kidea izan zen (1931). Urte bereko Lizarrako Batzarrean ere izan zen partaide, Mallabiko (Bizkaia) udaleko eta Bizkaiko karlismoaren (jaimismoaren) ordezkari gisa. Bilbon zen Espainiako Gerra Zibilaren garaian, eta Oleagak bideraturiko ekimen batzuei esker utzi zuten aske Ernesto Erkoreka, Bilboko alkate errepublikanoa, Esteban Bilbao diputatu karlistaren truke; hura izan zen bi bandoen arteko lehen preso-trukea. Gerra amaitutakoan, Euskaltzaindiko idazkari hautatu zuten, eta Azkueri hiztegia egiten lagundu zion. Bizkaiko Kultura Batzordeko eta Legegileen Batzordeko kide ere izan zen. Gregorio Mujikaren Espíritu de cordura obra euskaratu zuen Zurtasun gogoa izenburupean.

ErreferentziakAldatu