Narodnaia Volia
Narodnaia Volia (errusieraz Народная воля, Herriaren Gogoa) autokraziaren aurka jardun zuen mugimendu politikoa izan zen, 1880 aldean Errusian sortua. Ondo antolatutako egitura zuen eta Errusiako 50 hiritan baino gehiagotan zituen jarraitzaileak. Hauek langileak, ikasleak eta militarrak ziren. Ukrainan eta Volgako eskualdean ondo sustraituta egon zen. 500 kide baino gehiago izan ez baziren ere, milaka jarraitzaile izan zituen. Zuzendaritza batzordeko kide izan ziren, besteak beste: Aleksandr Mikhailov, Aleksandr Kviatkovski, Andrei Zheliabov, Sofia Perovskaia, Vera Figner, Nikolai Morozov, Mikhail Frolenko, Lev Tikhomirov, Aleksandr Baranikov, Ana Jakimova eta Maria Oxanina.
| Narodnaia Volia | |
|---|---|
 | |
| Datuak | |
| Mota | erakunde politikoa |
| Herrialdea | Errusiar Inperioa |
| Ideologia | Sozialismo iraultzailea eta agrarian socialism (en)  |
| Agintea | |
| Egoitza nagusi | |
| Egoitza nagusi | |
| Historia | |
| Sorrera | 1879ko ekaina |
| Desagerpena | 1887ko martxoa |
Narodnaia Volia alderdiaren programa aldatu
Hauek dira proposatzen zituzten puntu nagusiak:
- konstituzioa egingo duen Asanblada biltzea
- boto emateko denontzako eskubidea
- errepresentatua izateko eskubidea eta asanbladak eratzekoa
- adierazpen eta prentsa askatasuna
- autogestiorako aukera
- armada boluntarioek osatua izatea
- herriari lurren jabetza ematea
- ezarian-ezarian lantegiak beharginen eskumenean jartzea
- Errusiar Inperioko herriek autodeterminaziorako eskubidea izatea
Narodnaia Voliakoek uste zuten bazela aukera iraultza politikoa eta gizartearena aldi berean gertatzeko, hau da, erakundeen eraldatzea ez zela aldez aurretiko premisa edo baldintza. Alderdiaren barruko fronte batek borroka armatuaren alde egin zuen. Pervomartovtsi deiturikoak dira. Errusiako Alexandro II.aren aurko 7 atentatu saio prestatu zituzten, eta azkenean hiltzea ere lortu zuten. Alexandro III.arekin saiatu baziren ere, ezin; Vladimir Leninen anaia Aleksandr Uljanov tsarraren kontrako saio bat prestatzeagatik atxilotu zuten eta heriotzara kondenatu. Hasiera batean gobernuak tentuz hartu bazuen ere fronte honen dinamika, eta sasoiko hainbat kontzesio politiko horren trukean eman izana esatea badago ere, errepresioaren bideari ekin zion: 1879-1883 tartean 70 epaiketatik gora izan ziren eta 2000 pertsona baino gehiago akusatuak izan ziren. Narodnaiarenak egin zuen.
Kanpo estekak aldatu
Datuak: Q787001
Multimedia: Narodnaya Volya / Q787001
