Nahia Quincoces Altuna
Nahia Quincoces Altuna (Mendexa, Bizkaia, 1983ko abenduaren 12a) suhiltzailea eta kirol ibilbide zabala duen mendiko eskiatzailea da. Kirol horretan, mundu mailan oso ezagunak diren hainbat probatan parte hartu du eta horietako askotan lehenengo postuak lortu ditu. Banakako lasterketetan, bertikaletan, esprinetan eta taldekako lasterketetan, denetan lehiatu da.
| Nahia Quincoces Altuna | |
|---|---|
 | |
| Bizitza | |
| Jaiotza | Mendexa, 1983ko abenduaren 12a (41 urte) |
| Herrialdea |  Espainia |
| Hezkuntza | |
| Heziketa | Euskal Herriko Unibertsitatea |
| Hizkuntzak | euskara gaztelania |
| Jarduerak | |
| Jarduerak | suhiltzailea |
| Enplegatzailea(k) | Bizkaiko Foru Aldundiko Suhiltzaileak Eusko Jaurlaritza Azkue Ikastola |
    | |
Biografia
aldatu
Ama, Aurora Altuna sendagilea da eta aita, Ramón Quincoces gozogilea zen (2014ean hil zitzaien aita).[1] Ahizpa bat ere badu, bera baino nagusiagoa.
2001etik 2006ra bitartean Jarduera Fisikoa eta Kirolean Lizentziatura egin zuen Gasteizko UPV-EHUn eta 2004-2007 bitartean Haur Hezkuntza Magisteritza, UPV-EHUn, baita. 2007-2008 bitartean, Master in Health and Exercise Science egin zuen, University of Glocestershiren.
Sei urtetan zehar irakasle lanak egin zituen, baina txikitatik bere ametsa suhiltzailea izatea zenez, 29 urte zituela suhiltzaile oposaketak prestatzen hasi zen. Lau urte eta gero, 2016an, suhiltzaile bihurtu zen eta Markina-Xemeingo suhiltzaile parkean lan egiten hasi zen.
Bere lanbideaz gain, Nahiak hiru ordu inguru entrenatzen ditu egunero, astean sei egunetan, baina denbora ateratzen du bere zaletasunetarako: bizikletan ibiltzea, lagunekin egotea eta bidaiatzea.
Mendiko eskiatzailea
aldatu
2011n bere lehenengo lasterketa egin zuen eta geroztik mundu mailan ezagunak diren hainbat frogatan parte hartu du. Gero eta emaitza hobeak lortzen ari zela, 2016ean lesio bat eduki zuen belaunean. Horrek atzendu egin zuen bere kirol ibilbidea, baina denbora gutxiren buruan, errekuperazio lan handia egin eta gero, probetara itzuli zen eta berriro hasi zen emaitza bikainak lortzen.[2]
Bere kirol lorpen aipagarriena, 2019an lortutakoa da. ISMF Munduko Kopan (Lake Song Hua, Txinan). Bai banakako lasterketan, bai bertikalean bai esprintean, denetan, lehenengo postua lortu zuen.[3]
Aipatzekoa da, Mezzalamako proban hainbatetan parte hartu izan duela eta 2023koan, 3. postua lortu zuela bere taldearekin batera.
“Mendiko eskiko proba zaharrena da Mezzalama, baita gogorrenetakoa ere. 1933an sortu zen eta aurreko larunbatekoa 23. edizioa izan da, bi urtean behin egiten baita lasterketa. Monte Rosako glaziarretan egiten da proba, goi-mendian, eta lau mila metroko hiru gain igotzen dira: Castore, Naso del Lyskamm eta Roccia della Scoperta. Ibilbidearen zati handi bat glaziar-eremuan denez, segurtasunagatik, hiruko taldetan egiten da lasterketa: hiru taldekideek soka berari lotuta joan behar dute, arrakalen arriskua gutxitzeko, eta horrek areago zailtzen du ibilia. Jatorrizko ibilbidea Breuil-Cervinian abiatzen da eta Gressoney-La-Trinite herrian bukatu. 45 km dira guztira, eta goranzko desnibela ia 3.000 metrokoa da. Ibilbidea, gainera, 4.000 metrotik gora doa kilometro askotan, eta, beraz, funtsezkoa da altuerara ondo egokituta egotea.”
Ramon Olasagasti. Berria.[4]
Palmaresa
aldatu| Urtea | Lasterketa | Modalitatea | Postua |
|---|---|---|---|
| 2012 | Espainiako Txapelketa | Banakakoa |  [5]
|
| 2014 | Ternua Altitoy proba | Taldekoa |  [6]
|
| 2016 | Europako Txapelketa | Esprint | [7]
|
| 2016 | Munduko Kopa | Esprint | 6.a[8] |
| 2019 | ISMF World Cup (Txina) | Banakakoa | [9]
|
| 2019 | ISMF World Cup (Txina) | Bertikala | [9]
|
| 2019 | ISMF World Cup (Txina) | Esprint | [9]
|
| 2019 | Suitzako Villars-Sur-Olloneko Munduko Txapelketa | Txandakakoa |  [2]
|
| 2020 | Euskal Herriko Txapelkeeta | Banakakoa | [10]
|
| 2021 | Bikotekako Espainiako Txapelketa (Candanchú) | Binakakoa | [11]
|
| 2021 | Adamello Ski Raid | Binakakoa | 6.a[12] |
| 2022 | 12TH Altitoy-Ternua | Taldekoa | [13]
|
| 2022 | Euskadiko Binakako Eski txapelketa | Binakakoa | [13]
|
| 2023 | Euskadiko Eski Txapelketa | Banakakoa | [14]
|
| 2023 | Espainiako Txapelketa (Euskal Selekzioarekin lehiatuz) | Esprint | 4.a [15] |
| 2023 | Espainiako Txapelketa (Euskal Selekzioarekin lehiatuz) | Bertikala | 5.a[15] |
| 2023 | Espainiako Txapelketa (Euskal Selekzioarekin lehiatuz) | Banakakoa | [15]
|
| 2023 | Karoloko lineako proba | Banakakoa | [16]
|
| 2023 | Euskal Herriko Mendiko Kopan eta Krono igoera | Banakakoa | [16]
|
| 2023 | Mezzalamako Mendiko Eskiko Proba | Taldekakoa | [4]
|
| 2024 | Comapedrosa Esp and Cup 2023/2024 | Banakakoa | [3]
|
Erreferentziak
aldatu- ↑ (Gaztelaniaz) Correo, El. (2014-06-03). «QUINCOCES ARANO,RAMON | Esquela» El Correo (Noiz kontsultatua: 2024-11-14).
- ↑ a b (Gaztelaniaz) díaz, MANUELA. (2019-05-03). «La esquiadora de montaña que nació junto al mar» El Correo (Noiz kontsultatua: 2024-11-13).
- ↑ a b (Ingelesez) «Nahia Quincoces Altuna - Skimostats» skimostats.com (Noiz kontsultatua: 2024-11-13).
- ↑ a b «Quincoces eta Campos hirugarren izan dira Mezzalaman» Berria 2023-04-27 (Noiz kontsultatua: 2024-11-13).
- ↑ (Gaztelaniaz) díaz, MANUELA. (2019-05-03). «La esquiadora de montaña que nació junto al mar» El Correo (Noiz kontsultatua: 2024-11-13).
- ↑ «Open Ternua Altitoy mendiko eski lasterketa irabazi dute Nahia Quincoces mendexarrak eta Amets Maiztegi hondarribiarrak» Lea-Artibai eta Mutrikuko Hitza 2014-02-10 (Noiz kontsultatua: 2024-11-13).
- ↑ (Gaztelaniaz) FEDMe. (2016-02-10). «Marta García se proclama subcampeona de Europa en modalidad Sprint» ElDiario.es (Noiz kontsultatua: 2024-11-13).
- ↑ Hitza, Kazetaria(e)ko. (2016-02-22). «Nahia Quincoces Transcavalloko esprint lasterketan podiumetik kanpora geratu da» Lea-Artibai eta Mutrikuko Hitza (Noiz kontsultatua: 2024-11-13).
- ↑ a b c (Ingelesez) «Nahia Quincoces Altuna - Skimostats» skimostats.com (Noiz kontsultatua: 2024-11-13).
- ↑ Aintzina, Monasterio(e)ko. (2020-02-18). «Nahia Quincoces, Euskal Herriko txapeldun» Lea-Artibai eta Mutrikuko Hitza (Noiz kontsultatua: 2024-11-13).
- ↑ Aintzina, Monasterio(e)ko. (2021-03-22). «Quincoces eta Riba bigarren sailkatu dira Bikotekako Espainiako Txapelketan» Lea-Artibai eta Mutrikuko Hitza (Noiz kontsultatua: 2024-11-13).
- ↑ Aintzina, Monasterio(e)ko. (2021-04-14). «Nahia Quincocesek Adamellon amaitu du denboraldia» Lea-Artibai eta Mutrikuko Hitza (Noiz kontsultatua: 2024-11-13).
- ↑ a b «Igone Camposek Euskadiko binakako txapelketa irabazi du» Goierriko Hitza 2022-03-23 (Noiz kontsultatua: 2024-11-13).
- ↑ Alex, Uriarte(e)ko. (2023-01-31). «Nahia Quincoces, Euskadiko Txapeldun» Lea-Artibai eta Mutrikuko Hitza (Noiz kontsultatua: 2024-11-13).
- ↑ a b c Alex, Uriarte(e)ko. (2023-02-06). «Quincoces, maila handian Espainiako Txapelketako hiru probetan» Lea-Artibai eta Mutrikuko Hitza (Noiz kontsultatua: 2024-11-13).
- ↑ a b «Nahia Quincoces eta Jon Ander Aranburu Bandres-Karolo Memorialaren txapeldun» Berria 2023-02-12 (Noiz kontsultatua: 2024-11-13).
Kanpo estekak
aldatu- Nahia Quincoces: "Teknikarik gabe ezinezkoa da lasterketetan ondo ibiltzea". Gaztezulo aldizkaria, 2014
- Nahia Quincoces: "Oso pozik nago lortzen ari naizen emaitzekin". Hamaika Telebista, 2019
- La esquiadora de montaña que nació junto al mar. El Correo. 2019
- Nahia Quincoces: «Gehiago espero nuen, baina ez nuen gorputzaldi ona izan». Naiz irratia, 2021
- Nahia Quincoces, atleta de Millet, explica sus impresiones sobre Millet Tour du Rutor Extreme. Lugares de Nieve, 2024
Datuak: Q131154927
