Ireki menu nagusia

Nafarroako musika lurralde horretan egindako agerpen kulturala da.

Eduki-taula

TradizionalaAldatu

Nafarroako jota bertako abeste mota tradizional ezaguna da, lurraldeko hegoaldean zabalduta dagoena batez ere eta Iberiar penintsularen barruan Ebro aldeko era osatzen duena Aragoiko jota eta Errioxakoarekin batera.

Bestela, Nafarroako iparraldean ohikoak izan dira tradizionalki eta gaur egun ere erabiltzen dira txalaparta, trikitia eta panderoa eta txistua.

KlasikoaAldatu

Musikagileei dagokienez, Hilarion Eslaba eta Joaquin Gaztanbide nabarmendu ziren XIX. mendean, eta garai hartakoa ere Pablo Sarasate musikari famatua izan zen.

Abeslarien artean, Julian Gaiarre (1844-1890) eta Maria Bayo (1961-) mundu osoan ezagunak dira.

Azkenik, Nafarroako Orkestra Sinfonikoa eta Orfeon Pamplones aipatzekoak dira.

TaldeakAldatu

Musika bandei dagokienez, 1980ko hamarkadan probintzia honetan sortutako taldeen artean "Barricada" nabarmendu ziren bereziki, Nafarroan eta Euskal Herrian orokorrean ez ezik muga hauetatik kanpo ere bai. Euskal Rock Radikalaren etiketa ipini zioten hainbatek, "Tijuana In Blue" edo orduko beste talde batzuei bezala.

Urte batzuk geroago bertzela, 1990eko hamarkadan abiatutako "Berri Txarrak" (rock), "Skalariak" (ska elebiduna), "Nahi ta nahiez" (pop-rock), "Kojon Prieto y los Huajalotes" (estilo askotakoa gazteleraz), "Hemendik At!" (dance) eta "Marea" (rock gazteleraz) azpimarratzekoak dira.

Azkenik, 2000ko hamarkadan "Selektah Kolektiboa" (rap eta hip-hop), "Kerobia" (pop) edo "SextySexers" (rock) oso kontutan hartzekoak dira.

AbeslariakAldatu

Euskarazko abeslarien artean, Petti (folk-rock, post-rock) eta Joseba Irazoki (pop-rock) aipagarriak ditugu.

AretoakAldatu

DiskoetxeakAldatu

Nafarroan egoitza dutenen diskoetxeen artean GOR Diskak aipatzekoa da, Iruñean kokatutakoa.