Mugarriluze (Elgea)

Euskal Herriko mendia
Artikulu hau Elgeako mendiari buruzkoa da; beste esanahietarako, ikus «Mugarriluze».

Mugarriluze Elgeako mendilerroan dagoen mendietako bat da, Aumategirekin batera ezagunenetako bat. Eskoriatzak Barrundiarekin duen mugan bertan dago.

Mugarriluze
Datu orokorrak
Garaiera1.109 m
Motamendi
Geografia
Map
Koordenatuak42°57′49″N 2°30′31″W / 42.96361°N 2.50861°W / 42.96361; -2.50861
MendikateaElgeako mendilerroa
Herrialdea Euskal Herria
Probintzia Araba

1.109 metroko garaierarekin, mendilerro honetako laugarren mendirik garaiena da. Mendilerro honetako beste mendiak bezala, tontor belartsua du, iparralderago dagoen Zaraiako mendilerroko gehienek ez bezala.

Irispideak aldatu

Bolibartik abiatuta, Lizargarate leporantz doan bidea hartu behar da. Lepoan dagoen bidegurutzerantz heldu ondoren, eskuinetara hartu behar da. Bide hori, zuzen-zuzen doa Alabita eta Elgeara. Handik gutxira, eskuinetara, zuzen tontorrera igotzen den bidexka bat dago.

Gipuzkoa aldetik ere Araotz (Oñati) eta Mendiola (Eskoriatza) auzoetatik eta Arlabango mendatetik abiatu gaitezke.

Bide laburragoak, bestela, Araba aldetik datorrenak dira, Elgea eta Ozeta herrietatik hain zuzen ere.

Historiaurrea aldatu

Sakontzeko, irakurri: «Mugarriluzeko zutarria»

Mendi honen tontorrean, 2.5 metroko altuera duen menhir edo zutarri handi bat dago, mendiari berari izena ematen diona. Honetaz gain, bertatik igarotzen da Elgeako parke eoliko ospetsua. Gainera, mendi honen Gipuzkoako magalean Alabitarte tumulua dago.

Ikus, gainera aldatu

Kanpo estekak aldatu

Euskarazko Wikipedian bada atari bat, gai hau duena:
Euskal Wikiatlasa