Mixel Aire
Mixel Aire Etxebarren —Xalbador II.a ezizenez ezaguna— (Urepele, Nafarroa Beherea, 1944ko maiatzaren 5a - 2025eko urtarrilaren 14a)[1] bertsolaria izan zen.
Mixel Aire | |
---|---|
![]() | |
Bizitza | |
Jaiotza | Urepele, 1944ko maiatzaren 5a |
Herrialdea | ![]() |
Heriotza | 2025eko urtarrilaren 14a (80 urte) |
Familia | |
Aita | Fernando Aire |
Ama | Leoni Etxebarren |
Haurrideak | ikusi
|
Hezkuntza | |
Hizkuntzak | euskara frantsesa gaztelania |
Jarduerak | |
Jarduerak | nekazaria eta bertsolaria |
Izengoitia(k) | Xalbador II.a |
Xalbador bertsolari ospetsuaren semea, ogibidez artzaina izan zen, aita bezala. 1976an Mari Michel Bertart-ekin ezkondu zen; hiru alaba izan zituzten, Miren, Amaia eta Paxkalin, euskal kantagintzako Aire Ahizpak hirukote ezaguna osatzen dutenak.[2].
Biografia
aldatu1967an, 23 urte zituela egin zuen lehen plaza, Hazparnen hain zuzen, Xalbador aita, Mattin, Jon Lopategi eta Txomin Ezpondarekin.
Kalifornian bost urtez bizi izan zen, 1969tik 1974ra, artzain lanetan.[3]
Euskal Herrira itzuli ostean, Mixel Aire Etxebarren Xalbador II.ak bat-bateko sariketa askotan parte hartu zuen, batik bat Nafarroako Bertsolari Txapelketan: 1980tik 1996ra bitartean hamazazpi aldiz lehiatu zen, eta finalera iritsi zen guztietan, baita hiru txapel jantzi ere (1980an, 1985ean eta 1988an)[1]. Lapurdi, Nafarroa Beherea eta Zuberoa batzen dituen Xilaba Bertsulari Xapelketan, berriz, bi aldiz aritu zen: 2008an eta 2010ean. Aipatutako txapelez gain, Zaldibiako I. Artxanberri eta Patxi Errota sarikoa jantzi zuen 1977an.
Bertso jarriak ere baditu ezagunak: esate baterako, "Ameriketan bakarrik" (1969); "Argia ta Ama"; "Agur Jaun Bikario Jenerala"; "Herri Urrats Senperen"; "Urepeletik doakigun jaun erretorrari"; "Euskaldunak Ameriketan"; "Manuel Alzugarai".[1]
2010ean eszenatokiak utzi zituen.
Txapelketak eta Sariak
aldatu- Artxanberri eta Patxi Errota saria
- Txapeldun (1): 1977
- Nafarroako Bertsolari Txapelketa
- Xilaba Bertsulari Xapelketa
- Bertsolari Txapelketa Nagusia
Erreferentziak
aldatu- ↑ a b c Ubeda, Garbine. (2025-01-14). «Mixel Aire Etxebarren 'Xalbador II.a' hil da, 81 urtetan» Berria (Noiz kontsultatua: 2025-01-14).
- ↑ Gaizka, Lasa. (2025-01-14). «'Xalbador II' hil da» diariovasco.com.
- ↑ «Mixel Aire bertsolari eta artzaina zendu da» eitb.eus 2025-01-14.