Minitxerriak etxeko txerriaren aldaera bat da, gizakiak tamaina txikietarako moldatua.[1][2] Hasieran, esperimentaziorako eta ikerketarako erabili ziren, eta, ondoren, konpainiako animalia edo maskotatzat zabaldu ziren.[2]

Minitxerri mota bat.

Estatu Batuetako Minitxerrien Elkarteak ezartzen du minitxerrien (bost urte edo gehiagokoak) helduen tamaina 50,8 zentimetro altu (20 hazbete) edo 68 kilo (150 libera) baino txikiagoa izan behar dela, horrela sailkatzeko.[3] Elkarte horrek arrazetan oinarritutako sailkapena ere ezartzen du, arraza bakoitzerako forma, neurri eta tamainen estandarrekin.[4][5] Minitxerri gisa erabiltzen diren hamalau bat arraza daude gutxienez, eta horietatik ezagunenen artean, besteak beste, Juliana, Götttingen, Yucatán, Vietnamdarrak eta potbelly barietateak daude.[5]

Animalien babesa elkarteek hainbat arazo salatu dituzte: hazleen praktika txarrak, endogamia maila altuek eragindako gaixotasunak, garapenaren nahasteak eta desnutrizioa, neurri txikiak lortzeko, iruzur komertzialak eta jabeek abandonatzea.[6][7][8][9]

ErreferentziakAldatu

Kanpo estekakAldatu