Mindy Kaling
Vera Mindy Chokalingam (Cambridge, Massachusetts, AEB, 1979), Mindy Kaling gisa profesionalki ezaguna, jatorri indiarreko aktore, umorista, idazlea, ekoizle eta zuzendari estatubatuarra da.
| Mindy Kaling | |
|---|---|
 | |
| Bizitza | |
| Jaiotzako izen-deiturak | Vera Mindy Chokalingam |
| Jaiotza | Cambridge, 1979ko ekainaren 24a (44 urte) |
| Herrialdea |  Ameriketako Estatu Batuak |
| Bizilekua | Cambridge West Hollywood (Kalifornia) Brooklyn Boston |
| Lehen hizkuntza | ingelesa |
| Hezkuntza | |
| Heziketa | Buckingham Browne & Nichols School (en)  1997) Dartmouth College (1997 - 2001) gradu |
| Hizkuntzak | ingelesa |
| Jarduerak | |
| Jarduerak | aktorea, gidoilaria, komediantea, telebista-aktorea, zinema aktorea, ahots-aktorea, showrunnerra, telebista-ekoizlea eta film-zuzendaria |
| Lan nabarmenak | ikusi
|
| Jasotako sariak | |
| Influentziak | Conan O'Brien eta Stephen Colbert |
| Sinesmenak eta ideologia | |
| Erlijioa | hinduismoa |
             | |
Biografia aldatu
Mindy Kalingen gurasoak Indiakoak dira, Avu Chokalingam arkitektoa da aita, Chennai-n (Madras) hazitako tamila, eta Swati Chokalingam (Roysircar jaiotzez) ginekologoa, Mumbaiko bengalar bat. Nigeriako ospitale berean lanean ari zirela ezagutu zuten elkar gurasoek, eta 1979an Estatu Batuetan jarri ziren bizitzen: urte berean jaio zen alaba[1].
Chokalingam bere deiturarekin hasi zen monologoetako komedia egiten, baina aurkezleek ahoskatzeko arazoak zituzten, eta iseka ere egiten omen zioten izenari, beraz Kaling bilakatzea erabaki zuen[2].
Kelly Kapoor pertsonaiaren rola antzezten egin zen ezaguna lehen aldiz The Office (2005-2013) NBCko sitcom-ean, baina telesail horretan beste lan batzuk ere egin zituen, gidoilari, ekoizle exekutibo eta zuzendari hain zuzen. Telesaileko lanengatik Emmy sari zenbaitetarako izendapenak jaso izan ditu. Kaling-en ospea zabaldu zen The Mindy Project (2012–2017) Fox komedia sailean zeina berak sortu, ekoiztu eta antzeztu zuen.
Kaling-ek adiskidetasun estua du B.J. Novak-ekin , The Office-ko datziz aktorearekin. Telesailean harreman berezi bat dute bi pertsonaiek, eta harekin erdi-paraleloan, bikote harremana izan zuten bi aktoreek zenbait urtez[3].
2017ko abenduan, Katherine Swati alabaz bat erditu zen Kaling. Eta seme bat izan zuen, Spencer, 2020ko irailean. Bi kasuetan aitaren nortasunaren berri ez du eman aktoreak. B.J. Novak da bi haurren aita-pontekoa[3].
Erreferentziak aldatu
- ↑ (Ingelesez) «I’m busy having fun: Mindy Kaling» Hindustan Times 2013-10-10 (Noiz kontsultatua: 2021-04-05).
- ↑ (Ingelesez) Miyamoto, Ken. (2020-01-07). «Comedy Writing Wisdom from Mindy Kaling» ScreenCraft (Noiz kontsultatua: 2021-04-05).
- ↑ a b (Ingelesez) Twitter, Chris Malone; Articles, More; January 6, 2021. (2020-10-10). «Who is the Father of Mindy Kaling's Kids?» Showbiz Cheat Sheet (Noiz kontsultatua: 2021-04-05).
Datuak: Q539917
Multimedia: Mindy Kaling / Q539917
