Migel Aozaratzakoa

misiolari espainiarra

Migel Gonzalez Aozaratzakoa Leibar, santu izenaz San Migel Aozaratzakoa, (Oñati, 1598ko otsaila- Nagasaki, 1637ko irailaren 29a) apaiz eta misiolari domingotarra izan zen, Japonia ebanjelizatzen hil zena[1].

Migel Aozaratzakoa
Bizitza
Jaiotza Oñati, 1598
Herrialdea  Gipuzkoa, Euskal Herria
Heriotza Nagasaki1637ko irailaren 29a (38/39 urte)
Jarduerak
Jarduerak misiolaria
Santutegia
Irailaren 29
Sinesmenak eta ideologia
Erlijioa Erromatar Eliza Katolikoa
Erlijio-ordena domingotar

BiografiaAldatu

Oñatin jaio, domingotar bilakatu eta Espainiako probintzian aritu zen Rosariokora bidali zuten arte. Luzongo Bataan misioan ebanjelioa aditzera eman zuen[2].

1636an Manilako domingotarrek boluntarioen espedizioa antolatu zuten Japoniako kristauak laguntzeko asmotan. Hara joan ziren Antonio González, Guillermo Courtet eta Miguel Aozaratzakoa, Vicente Shiwozuka japoniar apaiza eta Lazaro Kyotokoa izeneko laiko batekin batera. Lorenzo Ruiz itsasoan gehitu zen. Okinawara ailegatu bezain pronto, preso hartu, torturatu eta bere fedea ukatu gabe denak hil ziren[3].

1980ko urriaren 11an Joan Paulo II.ak martiri izendatu, 1981eko otsailaren 18an dohatsu aitortu eta 1987ko urriaren 18an santu izendatu zuen. Irailaren 29an ospatzen da bere eguna.

ErreferentziakAldatu

  1. Saints.SQPN.com. Saint Miguel González de Aozaraza de Leibar. .
  2. Eliza Katoliko Erromatarra. Lorenzo Ruiz y 15 compañeros, Santos. www.catholic.net.
  3. Leonardi, Claudio; Riccardi, Andrea; Zarri, Gabriella. (2000). Diccionario de los santos. Editorial San Pablo, 234 or. ISBN 8428522588, 9788428522588.