Middlesbrough Football Club

Middlesbrough Football Club Ingalaterrako futbol taldea da, Middlesbrough hirikoa. Ingalaterrako Ligako Kopa bat da daukan titulu garrantzitsu bakarra, baina 2006an UEFA Kopako finala jokatu zuen.

Middlesbrough FC

Ezizena(k)	The Boro, Smoggies
Sorrera	1876
Futbol zelaia	Riverside Stadium edukiera: 34.988 lagun inaugurazioa: 1995
Presidentea	Steve Gibson
Entrenatzailea	Garry Monk
Liga	Championship (2.maila)
2018-19	7.a
Webgunea	Webgune ofiziala
Etxekoa 　 Kanpokoa

Historia

Ingalaterrako elkarterik zaharrenetakoa da, 1876an sortu baitzen. 1913-14 urtean hirugarren egin zuen ligan eta hori da inoiz lortu duen posturik onena.

1986an desagertzear egon zen diru arazoak zirela eta. 1997an eta 1998an Ingalaterrako Ligako Kopatako finalak jokatu zituen baina biak ere luzapenean galdu zituen Leicester City eta Chelsea. 1997an Ingalaterrako Kopako finala ere jokatu zuen eta oraingoan ere Chelseak garaitu zuen 2-0 emaitzaz.

Lortu duen titulu garrantzitsu bakarra 2004ean lortu zen Ligako Kopa izan zen Bolton Wanderers 2-1 mendean hartuz.

2006an UEFA Kopako finala jokatzera iritsi zen. Sevilla FC-k 4-0 emaitzaz irabazi zion partida. Final horretan Gaizka Mendietak jokatu zuen talde ingelesean.

Azken urteetan bigarren mailan aritu da eta Aitor Karanka gasteiztarra du entrenatzaile. 2016an bigarren egin eta Premier Leaguera itzuli zen, baina denboraldi kaskarra egin du. Karanka kargutik kendu ondoren ere taldeak ez du mailarik eman eta jeitsi egin da.

Irabazitako txapelketak

Ingalaterran: 1

• Premier League (0) :
  • hirugarrena 1914an.
• Ingalaterrako Kopa (0) :
  • finalista 1997an.
• Ingalaterrako Ligako Kopa (1) :
  • 2004

Nazioartean: 0

UEFA Kopa

• Txapelduna (0)
• Finalista (1): 2006.

Kanpo estekak

• (Ingelesez) Webgune ofiziala

• Datuak: Q18661
• Multimedia: Middlesbrough F.C. / Q18661