Marko Annio Vero

Artikulu hau politikariari buruzkoa da; beste esanahietarako, ikus «Marko».

Marko Annio Vero
Antzinako Erromako senataria Praefectus urbi (en) Erromako kontsula
Bizitza
Jaiotza	Italica, I. mendea
Herrialdea	Antzinako Erroma
Heriotza	Erroma, 138 (egutegi gregorianoa) ( urte)
Familia
Ezkontidea(k)	Rupilia Faustina (en)
Seme-alabak	ikusi Faustina Maior Marcus Annius Verus (en) Marcus Annius Libo (en) Annia Rupilia Faustina (en)
Leinua	Antonines (en)
Jarduerak
Jarduerak	politikaria

Marko Annio Vero Erromatar Inperioko politikari bat, I. eta II. mende artean bizi izan zena.

Marko Annio Vero zaharraren semea zen, Senatuan sartu ahal izan zena eta pretore aukeratua izatea lortu zuena. Bere familia Uccibikoa zen Espejo, Cordubatik gertu (egungo Kordoba), Hispaniako Baetica probintzian. Bere arbasoek eragin handia zuten, eta aberastasun handia bildu zuten Hispanian oliba olioarekin.

Verok, Erromako praefectus urbis bezala zerbitzatu zuen eta Vespasiano eta Titoren zentsorealdian, lehenengoaren erregealdian, enperadoreak izendatutako patriziar berri bezala erroldatua izan zen. Bere karrera politikoan, kontsul bezala, hiru aldiz aukeratua izan zen: lehenengoa, Domiziano enperadorearen erregealdian, bigarrena 121ean, Hadrianoren erregealdian, eta, hirugarrena eta azkena, 126an. Rupilia Faustinarekin ezkondu zen, kontsul mailko familikoa zena. Faustinaren ahizpaordea, Vibia Sabina enperatriza zen, eta bere ama, Salonina Matidia, Trajano enperadorearen iloba.

Hiru seme-alaba izan zituen:

• Annia Galeria Faustina, Faustina Maior bezala ezagunagoa, Antonino Pioren emaztea eta Inperioko enperatriza izango zena
• Marko Annio Libon, kontsula izango zena.
• Marko Annio Vero, Domizia Luzilarekin ezkondu zen pretore bat, Marko Aurelio enperadorea eta honen arreba Annia Cornificia Faustinaren aita izango zena.

Bere seme Marko Annio Vero 124an hil ondoren, Vero zaharrak, bere bilobak, Marko Aurelio eta Annia Cornificia Faustina adoptatu zituen, bere errainarekin batera. Meditazioak izeneko bere lanean, Marko Aureliok, "duintasun" eta "odol hotz"eko eredu bat bezala deskribatzen du. Marko Annio Vero 138an hil zen, laurogeitamar urtetik gertu zegoela. Bere azken urteetan, maitale bat izan zuen.

• Datuak: Q745241