Mari Karmen Garmendia

irakasle eta politikaria. Eusko Jaurlaritzako Kultura Sailburua (1995-2001)

Maria Karmen Garmendia Lasa (Ormaiztegi, 1947ko ekainaren 9a) irakasle eta politikaria izan da.

Mari Karmen Garmendia
MariKarmenGarmendia1999Egunkariarenhemeroteka.jpg
Eusko Jaurlaritzako Kultura Saila

1995 - 2001
Bizitza
Jaiotza Ormaiztegi1947ko ekainaren 9a (72 urte)
Herrialdea  Gipuzkoa, Euskal Herria
Familia
Anai-arrebak
Jarduerak
Jarduerak katedraduna eta politikaria
Enplegatzailea(k) Santo Tomas Lizeoa
Donostiako elizbarrutia
Eusko Jaurlaritzako Kultura Saila
Kidetza Argia
Sinesmenak eta ideologia
Alderdi politikoa Euzko Alderdi Jeltzalea

Hamahiru zituela urtebete eman zuen Okzitaniako Tolosa ondoko Verfeil herri txikian. Frantsesa ikasteko joan zen udako hilabete bat pasatzera, baina urtebete egin zuen gero. Ormaiztegirekin konparatuta 40 bat urte aurreratuago zegoen Tolosako alde hura. Ormaiztegin pentsa ezinak zirenak ikusi zituen han: jendartearen sekularizazioa, dibortzioa, emakumezkoak prakekin ibiltzen zirela, erre egiten zutela, izan zitezkeela txofer, Aljeriako gerra, telebista... Egonaldi hark heldutasun ikaragarria eman zion.[1]

KazetariaAldatu

14 urterekin lehenengo lana argitaratu zuen Umeen deia aldizkarian. Zeruko Argian idazten hasi zen Aita Agustin Ezeiza kaputxinoak eta Rikardo Arregik bultzaturik. Miren Olarreaga sinadurarekin azaldu ziren bere testuak. Aldi batez, emakumezko bakarra izan zen aldizkariaren taldean. Han ibiltzen ziren Ramon Saizarbitoria, Xabier Lete, Jose Manuel Toledo, eta Iñaki Beobide ere. Garai Hartan Andereñoen Erresidentzia zuen ostatu eta bertan topo egin dut Nekane Auzmendirekin, Feli Etxeberriarekin, eta Amaia Lasarekin... [1]

IrakasleaAldatu

Irakasle izan da Donostiako Santo Tomas Lizeoa ikastolan, bai eta Donostiako Elizbarrutiaren Irakasle Eskolan ere.

Politikaria (1985-2001)Aldatu

Politikan jardun zuen 1985etik 2001era Eusko Alderdi Jeltzalearekin. Eusko Jaurlaritzako Hizkuntza Politikarako Sailburuordetzaren ardura hartu zuen Jose Antonio Ardanza lehendakariaren agintaldian (1985-1994), eta Eusko Jaurlaritzako Kultura Sailaren buru amaitu, Ardanza eta Juan José Ibarretxeren gobernutan (1995-2001).[2] Hain zuzen, Garmendia sailburuak zuzendu zuen Ibarretxeren euskara ikasketa.[1]

Hizkuntza Politikarako Sailburuordetzaren zeregina zein izan beharko zen argi ez zegoenean berak diseinatu zituen hainbat lan-ildo. 1995ean Josune Ariztondo izendatu zuen sailburuorde Hizkuntza Politikan.[3] Egindakoen artean, Euskaltzaindiaren egoera zaila bideratu zen garai hartan, Iparraldearekin harremanak sortu ziren Haritxelarren lankidetzari esker, batez ere, eta François Bayrou solaskide zutela... Hizkuntz eskakizunak, hezkuntza-ereduen inguruko hausnarketa, hizkuntzari buruzko nazioarteko adituekin harremanak egin izan ziren (Joshua Fishman, Cumming, Kataluniako eta Quebeceko adituak...). Garai hartan AEK eta HABEren artean zegoen gatazka bideratu zuten, AEKko arduradunekin hitzarmena lortuz.[1] Hortik aurrera, AEK beste bide batetik sortu zen, euskaltegi itunpeko edo jabego sozialduna.[1]

Emakume aitzindariaAldatu

Aurreneko emakumezko bozeramailea izan zen Eusko Jaurlaritzan, lehenengo Hizkuntza Politikako idazkaria Jaurlaritzan, eta lehenengo emakumezkoa Matia Fundazioko presidentetzan.

ErreferentziakAldatu

  1. a b c d e Telleria, Enekoitz (2017-07-30) «Ahomentan. Mari Karmen Garmendia eta Elixabete Garmendia. Bidegile konplizeak» www.berria.eus . Noiz kontsultatua: 2019-12-09.
  2. ««Nahitaezkoa da erakunde publiko eta ekimen sozialen arteko elkarlana» - Wikiteka» eu.wikisource.org . Noiz kontsultatua: 2019-12-09.
  3. Jainaga Larrinaga, Zihara (2019-12-01) ««Egunen batean gauzatuko da Guggenheim Urdaibai proiektua»» Berria . Noiz kontsultatua: 2019-12-02.

Kanpo estekakAldatu


Aurrekoa
Joseba Arregi
Eusko Jaurlaritzako bozeramailea
1995 - 1999
Ondorengoa
Josu Jon Imaz


Aurrekoa
Joseba Arregi
Eusko Jaurlaritzaren Kultura Sailburua
1995-2001
Ondorengoa
Miren Azkarate