Marcel Queheille

Marcel Queheille
Bizitza
Jaiotza	Zalgize-Doneztebe, 1930eko martxoaren 16a
Herrialdea	Zuberoa, Euskal Herria
Heriotza	Oloroe-Donamaria, 2021eko uztailaren 17a (91 urte)
Hezkuntza
Hizkuntzak	euskara; frantsesa
Jarduerak
Jarduerak	txirrindularia
Ibilbidea
Taldeak	Urteak
	Parte-hartzailea Frantziako Tourra ;

Marcel Queheille (Zalgize-Doneztebe, 1930ko martxoaren 16a - Oloroe-Donamaria, 2021eko uztailaren 17a) zuberotar txirrindulari profesionala izan zen 1957etik 1963 arte.

Bere garaipenik aiapagarriena 1959ko Frantziako Tourrean lortu zuen, non Baionan amaiera zuen etapa irabazi zuen.^[1]

Biografia

Bere lasterkatzeko manera eta beti janzten zuen txapel gorriari esker, "Deabru gorria" ezizenarekin zen ezagun tropelean.^[2]

Jacques Anquetil eta Raymond Poulidor txirrindulari historikoentzat lanean aritzea egokitu zitzaion, baina bere ibilbidean izan zuen loriarako aukerarik: 1959ko Tourreko etapa bat irabazi zuen, Bordele eta Baiona artean jokatu zena. Bi marka ezarri zituen garaipen horrekin: Euskal Herrian bertan etapa bat irabaztea lortu zuen lehenbiziko euskal ziklista izan zen, eta, horrez gain, etapa bat irabazi duen zuberotar bakarra da.^[3]

Queheille Zalgizen jaio zen, 1930eko martxoaren 16an, eta jaioterrian bizi izan zen heriotzara arte. "Hemen sortua naiz, Zalgizen, eta hil nahi nindukezu Zalgizen", adierazi zion Euskaldunon Egunkaria-ri 2002an eman zion elkarrizketa batean. Tourreko etapaz gain, bertze garaipen handi bat du palmaresean: Dauphine Libere astebeteko Itzuli ospetsuko etapa bat, 1959an irabazia, Tourrean besoak altxatu zituen urte berean.^[3]

Profesionaletan egin zituen zazpi urteetan, Frantziako lau Tourretan parte hartu zuen, baita Espainiako hiru Vueltatan ere. Txirrindulari txikia eta arina zen, eskalatzaile petoa. Tourreko sailkapen nagusian 21.a izan zuen posturik onena, eta Vueltan, berriz, 26.a (biak 1961ean).^[3]

Palmaresa

1956

Cazès-Mondenard
Tarbes
2. Route de Francen

1957

Felletin
Grand-Bourg
2. Akitaniako Zirkuituan

1958

Bessereix
Villefranche-en-Rouerge
8. Errioxako Itzulian

1959

1960

2. Polymultipliéen
2. Midi Libreren Sari Nagusian

1961

Mende
4. Tour de l'Auden

1962

Akitaniako Zirkuituko etapa 1

Emaitzak lasterketa nagusietan

Lasterketa	1957	1958	1959	1960	1961	1962	1963
Italiako Giroa	-	-	-	-	-	-	-
Frantziako Tourra	30.	-	26.	50.	21.	-	-
Espainiako Vuelta	-	-	-	-	26.	utzi	utzi
Txirrindularitzako Munduko Txapelketak	-	-	-	-	-	-	-

Erreferentziak

↑ www.siteducyclisme.net: Marcel Queheille
↑ «Marcel Queheille zentü da» Xiberoko botza 2021-07-19.
↑ ^a ^b ^c Rodriguez, Mikel. (2021-07-18). «Marcel Queheille zendu da, Tourrean etapa bat irabazi duen zuberotar bakarra» Berria CC BY-SA 4.0 lizentziapean.

Kanpo estekak

Datuak: Q83527

[1] www.siteducyclisme.net: Marcel Queheille

[2] «Marcel Queheille zentü da» Xiberoko botza 2021-07-19.

[Berria-3] Rodriguez, Mikel. (2021-07-18). «Marcel Queheille zendu da, Tourrean etapa bat irabazi duen zuberotar bakarra» Berria CC BY-SA 4.0 lizentziapean.

[1]

[2]

[3]