Managuako aintzira
Managuako aintzira edo Xolotlán aintzira[1] (nahuatlez: Xolotlan) ere deitua, mendebaldeko Nikaraguako aintzira da, Managua eta Leongo departamenduen artean hedatzen dena. Nikaraguako bigarren aintzirarik handiena da, 1.042 km²ko eremua baitu. Managua hiria, herrialdearen hiriburua, aintziraren hego-mendebaldeko bazterrean dago.
| Managuako aintzira Xolotlán aintzira Xolotlan | |
|---|---|
 | |
| Datu orokorrak | |
| Garaiera | 39 m |
| Mota | aintzira |
| Luzera | 58 km |
| Zabalera | 32 km |
| Azalera | 1.042 km² |
| Sakonera | 80 m |
| Bolumena | 8 km³ |
| Geografia | |
 | |
| Koordenatuak | 12°20′00″N 86°25′00″W / 12.3333°N 86.4167°W |
| Babestutako-eremua | Chiltepe Peninsula Natural Reserve (en)  |
| Hidrografia | |
| Hustubidea | Tipitapa ibaia. |
| Arroaren azalera | 6.668 km² |
Izena aldatu
Gertuko Nikaragua aintzirari bezala, espainiarrek jarri zioten nazioartean gaur egun ezagutzen zaion izena, Mangue (tokiko mankeme tribuen gaztelaniazko izena) eta agua ("ura", gaztelaniaz) hitzak lotuta.
Geografia aldatu
Managuako aintzira 65 km luze eta 32 km zabal da. Batez besteko sakonera 9,5 m bada ere, 30-39 metroraino iristen da zenbait tokitan. Zirkulu itxura du, Chiltepe eta Panami penintsulek hautsia. Aintziraren ipar-mendebaldean Momotombito uharte nagusia dago. Iparraldean Momotombo sumendia du eta hego-ekialdean Managua hiria.
Xolotlán aintzirari ura dakarkioten ibai nagusiak Sinecapa, El Viejo, Pacora eta Las Maderas dira. Hustubidea, berriz, Nikaragua aintzirara doan Tipitapa ibaia da.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/1/11 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2012-05-25). 170. araua: Amerikako toponimia. .
Kanpo estekak aldatu
Datuak: Q272380
Multimedia: Lake Managua / Q272380
