Mairin Mitchell

Kazetari, idazle eta ikerlari britainiarra

Mairin Marian Mitchell, jaio zenean Marian Houghton Mitchell izenez erregistratua (Darlington, Durham, 1895eko maiatzaren 20a - 1986ko urriaren 5a) britainiar kazetari eta idazlea izan zen, politika, itsas armada eta historia gaietan espezialista gehienbat. Gaztelaniatik ingelesera itzultzaile lanak ere egin zituen. Euskal Herriari buruzko lan ugari plazaratu zituen. Familiak jatorri irlandarra zuen eta, horregatik, batzutan gaelikoz izenpetzen zuen: Mairin Ni Mhaol Micheil. 1946tik Royal Geographical Societyren partaidea izendatu zuten eta, halaber, Encyclopædia Britannicaren kolaboratzailea izan zen.

Mairin Mitchell
Bizitza
JaiotzaDarlington, 1895
Herrialdea Erresuma Batua
HeriotzaCross In Hand (en) Itzuli, 1986 (90/91 urte)
Hezkuntza
HeziketaSt Winifred's School (en) Itzuli
Hizkuntzakingelesa
Irlandako gaelera
Jarduerak
Jarduerakkazetaria eta idazlea
Sinesmenak eta ideologia
Erlijioakatolizismoa

Harremana Euskal Herriarekin aldatu

Amona, Marianne Garat, lapurtarra zen. Agian, horregatik, beti izan zuen Euskal Herriarekiko interes berezia. Euskal Herrian lagunak zituen eta harreman estua izan zuen euskal kulturako hainbat pertsona esanguratsurekin, hala nola Jose Artetxerekin, Koldo Mitxelenarekin eta Manuel Irujorekin. Tolosan eta Zumaian ere bizi izan zen denboraldi luzez.[1]

Haren liburuetan ohikoak dira euskaldunei egindako erreferentziak. [2]. Esaterako, 1958an Mairinek Acurioren odisea eleberria argitaratu zuen, Elkanoren kontramaisu bermeotarra protagonista zuela. 1986an Berengela Nafarroakoari biografia eskaini zion (Berengaria: Enigmatic Queen of England). Jose Artetxeren saiakera bat inglesera itzuli zuen (1964), bestetik, eta Andres Urdaneta, Juan Sebastian Elkano eta beste itsas gizonak sarritan agertu ziren bere lanetan.

Liburu aukeratuak aldatu

  • Songs of the South, The Hidden Land, Pedlar’s Pieces, Road Rhymes, poesia.
  • A Shuiler Sings , Londres: M. Michael, The Columbia Press, 1932, poesia bilduma.
  • Traveller in Time, Londres: Sheed & Ward, 1935.
  • Storm over Spain, Londres: Secker & Warburg, 1937.
  • Atlantic Battle and the Future of Ireland, Londres: F. Muller Ltd. 1941.
  • Back to England: an Account of the Author's Travels on the Continent from 1937 to 1939 and Her Observations on Wartime Conditions in Britain in 1940, 1940; Right Book Club, 1942.
  • The Red Fleet and the Royal Navy, Londres: Hodder & Stoughton, 1942.
  • We Can Keep the Peace, Londres: Grout Publishing Co., 1945.
  • The Maritime History of Russia 848–1948, Londres: Sidgwick & Jackson, 1949 ASIN B0006D95RU.
  • The Odyssey of Acurio who sailed with Magellan, Londres: Heinemann, 1956.
  • Elcano the First Circumnavigator, Londres: Herder, 1958.
  • The Bridge of San Miguel, Londres: Herder, 1960, ASIN B0000CKV0C.
  • Friar Andrés de Urdaneta, O.S.A. (1508–1568) Pioneer of Pacific Navigation from West to East, Londres: Macdonald and Evans, 1964.
  • Berengaria: Enigmatic Queen of England, Burwash Weald, East Sussex: A. Wright, 1986, ISBN 0951181505.

Itzulpenak aldatu

  • Jose Artetxe: The Cardinal of Africa, Charles Lavigerie, Founder of the White Fathers, Mairin Mitchell itzultzailea, Londres: Sands & Co., 1964; Catholic Book Club, 1964.

Erakusketa aldatu

  • 2022ko martxoan Mairin Mitchell. Euskaldunen kronikari irlandarra erakusketa aurkeztu zen, Gernikako Euskal Herria Museoan. Erakusketaren komisarioa Xabier Armendariz izan zen.[1]

Erreferentziak aldatu

Kanpo estekak aldatu