Ireki menu nagusia
Wikipedia

Maddi Pelot

euskal idazlea

Maddi Pelot[1][2] (Talença, Okzitania, 1947 apirilaren 12a - Miarritze, 2016ko urriaren 6a[3]) euskal idazlea izan zen.

Maddi Pelot
Maddi Pelot.jpg
Bizitza
Jaiotza Talence, 1947ko apirilaren 12a
Herrialdea  Lapurdi
Heriotza Biarritz, 2016ko urriaren 6a (69 urte)
Hezkuntza
Hizkuntzak euskara
Jarduerak
Jarduerak idazlea
Literaturaren Zubitegiko fitxa 118

BizitzaAldatu

1947ko apirilaren 12an jaio zen Bordele ondoko Talençan.[3][4] Biarritzen bizi zen.[5]

Ikasketa klasikoak egin zituen, frantsesa, latina eta greziera. Gramatikako agregazioa pasa zuen eta Biarritzeko kolejio batean gai horiek irakasten zituen.[4] Ikastaroak ere eman zituen Baionako euskal unibertsitatean.[6]

23 urterekin ikasi zuen euskara.[4]

Maiatz taldean hastapenetik aritu zen eta literatura aldizkariaren sorreran parte hartu zuen.[6][7] Ipuin futuristak egiten aitzindarietakoa da euskaraz.[6][8]

Hiztegigintzan Euskararen Erakunde Publikoak (EEP) bideratutako Nola erran hiztegian frantsesezko adibideen gainbegiratzaile gisa aritu zen.[6][9]

Gure Irratiaren lehen urteetan fikzio emankizun asko kudeatu zituen, Isaac Asimoven lanetatik hartutako testuekin eta batez ere Richard Wagnerren opera ezagun batzuk antzeztuz.[6]

Musikazalea zen. Atsegin zituen musika klasikoa, seriala, modernoa, opera eta herri anitzetako folk musika, bereziki Indiakoa.[4]

Egunero yoga egiten zuen eta hinduismoan interesa zuen.[4]

Seme bat adoptatu zuen.[10]

Bizitza diskretua izan zuen, ez zen publikoki agertzen.[10] Itxaro Bordak Emakumeak idazle antologia egin zuenean ez zuen bertan agertu nahi izan.[10]

2016ko urriaren 6an hil zen Biarritzen,[3] minbiziaren ondorioz.[10]

LanakAldatu

NarrazioaAldatu

  • Telelabirintoa (1984ko apirila, Maiatz). Maiatz aldizkariaren 5. zenbakian argitaratutako narrazio luzea.[11] 1985ean Biharko oroitzapenak ipuin liburuan berriz argitaratu zuen.[12]
  • Biharko oroitzapenak (1985eko urria, Maiatz). Uhargi sailean argitaratutako ipuin bilduma.[4][11]
  • Teleamarauna (1987, Maiatz). Uhargi sailean argitaratutako eleberri laburra.[11]

SaiakeraAldatu

PoesiaAldatu

Hainbat olerki ere argitaratu zituen, ia denak Maiatz aldizkarian.[13]

  • Semeak (1982, Maiatz 2. zenbakian)
  • Eden (1982, Maiatz 3. zenbakian)
  • Josebari (1985, Maiatz 9. zenbakian)
  • Eden (1986, Plazara 5. zenbakian)
  • Urriko neskari (1986, Maiatz 11. zenbakian)
  • Gureak (1987, Maiatz 13. zenbakian)
  • Nesken ebaslea (1987, Maiatz 14. zenbakian)
  • Neska hori (1988, Maiatz 15. zenbakian)
  • Erleen eztiaz (1989, Maiatz 18. zenbakian)
  • Helikoki (1989, Maiatz 18. zenbakian)
  • Jin joan (1990, Maiatz 19. zenbakian)

ErreferentziakAldatu

  1. ↑ Mayi grafiaz ere idatzia.
  2. ↑ «Mayi Pelot zientzia-fikzioko idazle aitzindariari omenaldia egingo diote Baionan» Argia . Noiz kontsultatua: 2019-03-08.
  3. ↑ a b c «Mayi Pelot», Literaturaren zubitegia, . Noiz kontsultatua: 2018-09-25.
  4. ↑ a b c d e f Borda, Itxaro (1985) «Mayi Peloten «Biharko oroitzapenak...» - Mayi Pelotekin elkarrizketan» Argia (1081) . Noiz kontsultatua: 2018-09-26.
  5. ↑ Euskonews, elkarrizketa Luzien Etxezaharretari.
  6. ↑ a b c d e «Mayi Pelot idazlea hil da», Berria, . Noiz kontsultatua: 2016-10-10.
  7. ↑ Maiatz 25 urte, Itxaro Borda.
  8. ↑ Sareinak bloga.
  9. ↑ «Egileak», Nola erran Frantses-Euskara hiztegi elektronikoa, . Noiz kontsultatua: 2018-09-25.
  10. ↑ a b c d Morales, Ana (2018), «ANSIBLEFEST 2018: Hamaika mundu sortzeko jaio gara I», Etzi Portu Maritimoa, . Noiz kontsultatua: 2018-10-11.
  11. ↑ a b c Galarraga, Aritz (2013) «Bakan ale bitxia» Argia (2372) . Noiz kontsultatua: 2018-09-25.
  12. ↑ Antza, Mikel (1986), «Biharko oroitzapenak», Kritiken hemeroteka, . Noiz kontsultatua: 2018-10-14.
  13. ↑ «Pelot, Mayi», Bertso eta olerkien hemeroteka, . Noiz kontsultatua: 2018-09-26.

Ikus, gaineraAldatu

Kanpo loturakAldatu

"https://eu.wikipedia.org/w/index.php?title=Maddi_Pelot&oldid=6820753"(e)tik eskuratuta