Lucien Van Impe

Lucien Van Impe (Mere, Ekialdeko Flandria, 1946ko urriaren 20a ) Belgikar txirrindulari ohia da. 1969 eta 1987 artean profesionala izan zen. Igotzaile bikaina izan zen, bere garaiko hoberena eta historiako onenetako bat. Itzuli handietan, eta, batez ere, Frantziako Tourrean nabarmendu zen. 15 aldiz parte hartu zuen Tourrean 1969-1985 bitartean, eta guztietan amaitzea lortu zuen. 1976ko edizioa irabazteaz gain, beste zortzi aldiz sailkatu zen sei lehenbizikoen artean. Mendiko sailkapena sei aldiz irabazi zuen.

Lucien Van Impe

Informazio pertsonala
Izena	Lucien Van Impe
Jaiotza data	1946ko urriaren 20a
Jaiotza herria	Mere, Ekialdeko Flandria
Jaiotza herrialdea	Belgika
Kirol informazioa
Egungo taldea	erretiratua
Modalitatea	Errepidea
Trebetasuna	Mendiko etapak
Profesional taldea(k)
1969-1973 1974 1975-1976 1977 1978 1979 1980 1981 1982-1984 1985 1986 1987	Sonolor-Lejeune Sonolor-Gitane Gitane-Campagnolo Lejeune-BP C&A Kas-Campagnolo Marc-Carlos-VRD Boston-Mavic Metauro Mobili-Pinarello Santini-Krups Dormilon Sigma
Garaipen nagusiak
Belgikako Errepide Txapelketa: 1983 Frantziako Tourra Sailkapen nagusia: 1976 Mendiko sailkapena: 1971, 1972, 1975, 1977, 1981, 1983 9 etapa Giro d'Italia Mendiko sailkapena: 1982, 1983 Etapa bat Espainiako Itzulia Etapa bat

Mendiko Sari Nagusia 6 aldiz irabazirik (1971, 1972, 1975, 1977, 1981 eta 1983an) Federico Martín Bahamontes espainiarraren errekorra berdindu zuen. Hirugarren gelditu zen 1971 eta 1975eko ekitaldietan, baina Eddy Merckxen gainbeherak eta Bernard Thévenetek lasterketa bertan behera uzteak 1976ko sailkapen nagusia irabazteko aukera eman zioten, berak mendiko beste sari bat besterik espero ez zuenean. Frantziako sari horiez gainera, hiru aldiz gelditu zen irabazle Italiako Giroan mendiko sailkapenean (1982-1984), eta 1983an Belgikako Errepide Txapelketa irabazi zuen.

2008tik Veranda´s Willems-Accent taldeko zuzendaria da.

Palmaresa

1968

• Etorkizuneko Tourreko etapa 1

1969

• Nafarroako Itzulia
• 3. "Circuit des frontières"en

1970

• 6. Frantziako Tourrean
• 7. Romandiako Tourrean

1971

• 3. Frantziako Tourrean eta Mendiko sailkapena
• 5. Midi Libren
• 7. Dauphiné Libérén

1972

• 4. Frantziako Tourrean, Mendiko sailkapena eta etapa 1
• 2. Romandiako Tourrean
• 3. Dauphiné Libérén
• 5. Midi Libren

1973

• 5. Frantziako Tourrean eta etapa 1
• 2. Romandiako Tourrean eta etapa 1
• Midi Libreko etapa 1

1975

• 3. Frantziako Tourrean, Mendiko sailkapena eta 2 etapa
• Montjuiceko Igoerako etapa 1
• Tour de l'Aude eta 2 etapa
• 5. Dauphiné Libérén

1976

• Frantziako Tourra eta etapa 1
• 2. Midi Librean eta etapa 1
• Tour de l'Audeko etapa 1
• Polymultipliée

1977

• 2. Suitzako Itzulian eta 2 etapa
• 3. Frantziako Tourrean, Mendiko sailkapena eta etapa 1
• 3. Dauphiné Libérén eta etapa 1

1978

• 9. Frantziako Tourrean

1979

• 5. Espainiako Vueltan eta etapa 1
• 11. Frantziako Tourrean eta etapa 1
• Kataluniako Voltako etapa 1

1980

• 4. Suitzako Itzulian

1981

• 2. Frantziako Tourrean, mendiko sailkapena eta etapa 1
• Polynormande

1982

• 4. Italiako Giroan, Mendiko sailkapena eta etapa 1
• 3. Suediako Itzulian

1983

• Belgikako errepide txirrindularitzako txapelketa
• 4. Frantziako Tourrean, Mendiko sailkapena eta etapa 1
• 9. Italiako Giroan, Mendiko sailkapena eta etapa 1

1984

• 7. Italiako Giroan

1986

• Meatze Haranetako Itzulia eta etapa 1

Sailkapen orokorra Itzuli Handietan

Itzuli Handia	1969	1970	1971	1972	1973	1974	1975	1976	1977	1978	1979	1980	1981	1982	1983	1984	1985	1986
Italiako Giroa	—	—	—	—	—	—	—	—	—	—	—	—	—	4	9	7	13	—
Frantziako Tourra	12	6	3	4	5	18	3	1	3	9	11	16	2	—	4	—	27	—
Espainiako Vuelta	—	—	—	—	—	—	—	—	—	—	5	—	—	—	—	—	—	11

Legenda

—	Ez zuen parte hartu
DSK	Deskalifikatua
UT	Utzi

Aurrekoa Bernard Thévenet

Frantziako Tourraren irabazlea 1976

Ondorengoa Bernard Thévenet

Kanpo loturak

• Memoire-du-cyclisme.net: Palmarès de Lucien Van Impe

• Datuak: Q350698
• Multimedia: Lucien Van Impe