Louis Proust
Joseph Louis Proust (Angers, 1754ko irailaren 26 - Angers, 1826ko uztailaren 5) frantziar kimikari eta farmazialari bat izan zen, kimika modernoaren sortzaileetako bat bezala ere ezagutzen dena. Proportzio konstanteen legea (Prousten Legea izenaz ere ezagutzen dena) adierazi izanagatik ere ezaguna da Proust, lege estekiometriko hau gaur egungo kimikaren oinarrietako bat da.
| Louis Proust | |||
|---|---|---|---|
 | |||
1799 - | |||
| Bizitza | |||
| Jaiotza | Angers, 1754ko irailaren 26a | ||
| Herrialdea |  Frantzia | ||
| Heriotza | Angers, 1826ko uztailaren 5a (71 urte) | ||
| Hezkuntza | |||
| Hizkuntzak | frantsesa | ||
| Jarduerak | |||
| Jarduerak | kimikaria, farmazialaria eta aeronauta | ||
| Enplegatzailea(k) | Salamancako Unibertsitatea | ||
| Jasotako sariak | |||
| Kidetza | Frantziako Zientzien Akademia Zientzien Bavariar Akademia Académie Nationale de Médecine (en)  Accademia delle Scienze di Torino Académie des sciences, belles-lettres et arts de Rouen (en) | ||
Kimika-irakasle izan zen Bergarako Errege Mintegian. Garai hartan argitaratu zuen Introducción al curso de química , eta baita hiru ohar ere —espatu astunei, kobaltoari eta behazunaren osaerari buruz— Euskalerriaren Adiskideen Elkarteko Batzar Orokorren Laburpenetan. Berari zor zaio, halaber, Bergarako Laboratorium Chemicum izan zena antolatu eta martxan jartzea.[1]
Biografia aldatu
Louis Proust 1754ko irailaren 26an jaio zen Angers-en, Frantzian. Aitak botikari gisa aritu zen Angersen. Louisek aitaren dendan kimika ikasi zuen eta gero Parisera joan zen Pitié-Salpêtrière Ospitaleko botikari buru izateko. Pilâtre de Rozier aeronauta ospetsuarekin ere kimika irakatsi zuen.
Karlos IV.aren eraginpean Proust Espainiara joan zen. Han Segoviako Kimika Eskolan eta Salamancako Unibertsitatean irakatsi zuen. Napoleonek Espainia inbaditu zuenean, Proust-en laborategia erre zuten eta Frantziara itzultzera behartu izan zuten. 1826ko uztailaren 5ean hil zen Angersen, Frantzian. Proustita minerala (Ag3AsS3) da bere omenez izendatua.
Erreferentziak aldatu
- ↑ «Louis Joseph PROUST (1754-1826) | Laboratorium Bergara Zientzia Museoa» www.laboratorium.eus (Noiz kontsultatua: 2020-04-03).
Ikus, gainera aldatu
Kanpo estekak aldatu
- Oinarrizko konstanteak eta hauetan Proustek izan zuen eragina.
- Prousten biografiari buruzko informazio gehiago. (Gaztelaniaz)
- Prousten biografia laburra. (Ingelesez)
Wikimedia Commonsen badira fitxategi gehiago, gai hau dutenak: Louis Proust 
Datuak: Q159923
Multimedia: Joseph Proust / Q159923
