Lorea Ibarra
Lorea Ibarra Gallardo (Arrasate, Gipuzkoa, 2002ko urriaren 8a) gipuzkoar aktorea da.[1] Akelarre eta Ane filmetan egindako interpretazioengatik da ezaguna.[2]
| Lorea Ibarra | |
|---|---|
 | |
| Bizitza | |
| Jaiotza | Arrasate, 2002ko urriaren 8a (22 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | aktorea |
  | |
Bizitza
aldatu2020an hasi zen Hizkuntza Modernoak ikasten.[3] Zientzia Politikoak ikasi zituen Madrilgo Nazioarteko Unibertsitatean.[4]
Lehen Hezkuntzako antzerki eskola batzuetan parte hartu zuen, Loreak ez zuen interes handirik aktore karrera bat jarraitzeko. Lagun talde batekin bidaia bat planeatzen ari zela, amak behin eta berriz eskatu zion entzumen proba baterako argazkiak bidaltzeko, familiako lagun batek gomendatu eta iradoki zuen neskak aukera ona zuela paperarekin geratzeko.[5][6]
Aktore ibilbidea
aldatuIbarrak hautaketa-proba luzearen ostean, Oneka Arbizu pertsonaiaren papererako hautatua izan zen, Pablo Agüeroren Akelarre (2020) filmean sorginkeriaz akusatutako hainbat emakumetako bat zen Oneka. Aktore gisa egin zuen debut profesionala izan zen.[5] Taldekide izan zituen protagonista izan zen Amaia Aberasturi (Ana pertsonaia), Garazi Urkola (Katalin), Yune Nogueiras (María Ibarguren), Jone Laspiur (Maider Aguirre), Irati Saez de Urabain (Olaia Isasi), Álex Brendemühl (Rostegui epailea) eta Daniel Fanego (kontseilaria), besteak beste.[4]
Film horretan Lorea Ibarra gazteak Oneka antzeztu zuen, Pierre de Lancrek, euskal jatorriko magistratuak, agindutako izugarrikeria pairatu zuen emakume taldeko kideetako bat;[7] Oneka Arbizu, beste neskak bezala sorginak zirelakoan atxilotu zituzten. Bizia salbatzeko, sabbat zeremonia makabroari buruzko istorioak asmatu zituzten.[4] 1609an, Henrike IV.a Frantziakoak (Henrike III.a Nafarroakoa) Lapurdira bidali zuen Pierre de Lancre ustezko sorginkeria ekintzei buruzko gertaera batzuk ikertzera. Euskal Herriko iparraldean dozenaka euskal herritar hil ziren haren inkisizio lanean.[7]
Debut urte horretan, 2020an, bigarren proiektu bat ere egin zuen, David Perez Sañudok zuzendutako Ane (2020) filmean Maitane pertsonaia antzeztu zuen.[1] Filma 2009. urtean Gasteizen kokatuta dago. Etxebizitza batzuk berehala desjabetzeko arazoak izan dituzte auzoan. Lide (Patricia López Arnaiz), abiadura handiko trenaren obretan zaindari gisa lan egiten duen ama gaztea, ohartu da bere alaba nerabea, Ane, ez dela etxera lotara joan. Lide, bere senar ohia den Fernandorekin batera, bere alaba non dagoen ikertzen hasi da, baita Aneren munduan sartzen eta ezezagun batekin bizi izan dela konturatzen ere.[8]
Filmografia
aldatuFilmak
aldatu| Urtea | Filma | Pertsonaia | Oharrak |
|---|---|---|---|
| 2020 | Ane | Maitane | |
| 2020 | Akelarre | Oneka | 2021ean Goya sari gehien jaso zuen filma[9] |
Erreferentziak
aldatu- ↑ a b «Lorea Ibarrak ‘Akelarre’ eta ‘Ane’ film luzeetan parte hartu du» Mondraberri 2020-06-07 (Noiz kontsultatua: 2021-03-15).
- ↑ Lorea Ibarra revela en exclusiva a NAIZ detalles de Oneka, su personaje en ‘Akelarre’. Naiz.
- ↑ Fernández, Harri. (2020-09-19). «Zer da sorgin bat?» Noticias de Gipuzkoa (Noiz kontsultatua: 2021-03-15).
- ↑ a b c (Gaztelaniaz) PERÚ, NOTICIAS EL COMERCIO. (2021-03-18). «Akelarre, actores y personajes: quién es quién en la película española Coven of Sisters | Películas de Netflix nnda nnlt | MAG» El Comercio Perú (Noiz kontsultatua: 2024-10-08).
- ↑ a b (Gaztelaniaz) SensaCine.com.mx. «Lorea Ibarra» SensaCine.com.mx (Noiz kontsultatua: 2024-10-08).
- ↑ Lorea Ibarra, Oneka en ‘Akelarre’. Naiz.
- ↑ a b (Gaztelaniaz) SL, TAI GABE DIGITALA. (2020-09-16). «Lorea Ibarra revela en exclusiva a NAIZ detalles de Oneka, su personaje en ‘Akelarre’» naiz: (Noiz kontsultatua: 2024-10-08).
- ↑ «Sinopsis de la película Ane» elgusanillo.com (Noiz kontsultatua: 2024-10-08).
- ↑ (Gaztelaniaz) RTVE.es. (2021-03-15). «'Akelarre', la película participada de RTVE que triunfa en todo el mundo» RTVE.es (Noiz kontsultatua: 2024-10-08).
Kanpo estekak
aldatu
Datuak: Q105956189
Multimedia: Lorea Ibarra / Q105956189
