Lizentzia Publiko Komuna
Informatikan, Lizentzia Publiko Komuna edo LPK (Ingelesez: Common Public License edo CPL) software libreko/kode irekiko softwareko lizentzia bat da IBMk bere softwarearentzat argitaratua. Free Software Foundationek eta Open Source Initiativek CPL-ren lizentziaren terminoak onartu dituzte.
| Common Public License | |
|---|---|
| Jatorria | |
| Egilea(k) | IBM |
| Argitaratze-data | 2001 |
| Azken bertsioa | 1.0 |
| Ezaugarriak | |
Open Source Initiativek lizentzia publiko komuna zaharkitutzat jotzen du eta EPL lizentzia erabiltzeko hobetsi du lizentzia hau ordezteko.
CPL-ren aitortutako helburua kode irekiko softwarearen elkarlaneko garapena bermatzea eta sustatzea da, aldi berean CPL edukia beste lizentzia batzuen pean, Software jabedun lizentzia pribatibo asko barne hartuz, lizentziatutako softwarean erabiltzeko gaitasuna mantenduz. Eclipse lizentzia (Eclipse Public License, EPL) CPL-ren arinki aldatutako bertsio bat da.
CPL-k Gnu General Public License (GPL) lizentziaren antzekoak diren termino batzuk ditu, baina funtsezko diferentzia batzuk existitzen dira. Antzekotasun bat ordenagailu-programaren bertsio aldatu baten banaketari buruzkoa da: edozein lizentziapean (CPL edo GPL), beharrezkoa da aldatutako programa baten iturburu-kodea besteen eskura egotea.
CPL-k, Gnu Lesser General Public License-k bezala, CPL lizentzia ez duen software lizentziatuari baimentzen dio CPL liburutegi bati lotzea, iturburu-kode lotua lizentziaren jabearen eskura egoteko beharrik gabe.
CPL-k ez dauka GPL-ren bertsio biekin bateragarritasunik, "lege-aukeraren klausula" atal bat duelako 7. atalean, borroka legalak murrizten dituena auzitegi jakin baterako. Bateraezintasun beste iturburu bat copyleft desberdinaren betebeharrak dira.[1]
Microsoftek argitaratu du bere Windows Installer Xml tresnen multzoa (WIX), Windows Template Library (WTL) eta FlexWiki Flexwiki motorra CPL lizentziapean Sourceforgeko proiektu gisa.
IBMk, mundu akademikoko zenbait pertsonarekin, CPLpean lizentziatutako coin-OR proiektuak hasi zituen, optimizazioarekin eta analisi operazionalarekin erlazionatutako software askea eta kode irekikoa emateko. Ekimenak coin-or Fundazioaren sorrera eragin zuen.
Kode irekiko lizentzien kopurua murrizteko, IBMk eta Eclipse Fundazioak, etorkizunean soilik Eclipse Public License erabiltzea erabaki dute, urrats bat izanik lizentzien ugaritzearen murriztapenerantz [2]. Open Source Initiative-k, beraz, lizentzia publiko komuna zaharkitutzat jotzen du eta EPLz ordeztua.
Erreferentziak aldatu
- ↑ (Ingelesez) [http://www.gnu.org/licenses/license-list.html#CommonPublicLicense10 Various Licenses and Comments about Them - Gnu Project - Free Software Foundation (FSF
- ↑ Mike Milinkovichen - lizentzien ugaritzearen murriztapenerantz urrats txiki bat (Ingelesez)
Kanpo estekak aldatu
- (Ingelesez) Preguntas frecuentes (FAQ) sobre CPL
- (Ingelesez) Iniciativa de Licencia CPL Open Source
- (Ingelesez) Licencia CPL según IBM
- (Ingelesez) Página web de coin-OR