Lidia Txarskaia

Lidia Alekseevna Voronova, Lidia Txarskaia izengoitiaz ezagunagoa —errusieraz: Лидия Чарская— (San Petersburgo, Errusiako Inperioa, 1875eko urtarrilaren 31greg./urtarrilaren 19jul.Leningrad, Sobietar Errepublika Sozialisten Batasuna, 1937ko martxoaren 18a) errusiar idazlea eta aktorea izan zen.

Lidia Txarskaia
Лидия Чарская.jpg
Bizitza
Izen osoaЛидия Алексеевна Воронова
JaiotzaSan Petersburgo1875eko urtarrilaren 31
Herrialdea Errusiar Inperioa
 Sobietar Errepublika Sozialisten Batasuna
HeriotzaAdler Microdistrict (en) Itzuli1937ko martxoaren 18a (62 urte)
Hobiratze lekuaSmolensky Cemetery (en) Itzuli
Hezkuntza
HeziketaPavlovsky Institute (en) Itzuli
(1886 - 1893)
Hizkuntzakerrusiera
Jarduerak
Jarduerakidazlea, haur literatura idazlea, aktorea eta antzezpena
Izengoitia(k)Л. Чарская eta Ли́дия Алексе́евна Чар́ская
Charskaya Signature.jpg

BizitzaAldatu

San Petersburgon jaio zen Aleksei Aleksandrovitx Voronov militarraren eta Antonina Dmitrievna Krajotkinaren familian. Bere ama erditzean hil zen[1]. Hamaika urte zituela, Lidiak Pavlovsk Institutuan (neska nobleentzako barnetegian) ikasten hasi zen. Hamaika urte zituela, Lidia Pavlovski Institutuan (familia nobleetako neskentzako barnetegian) ikasten hasi zen. 1885eko azaroaren 10ean Aleksei bere lehengusu Anna Pavlovna Voronovarekin ezkondu zen. Ezkontza horretan, beste lau seme-alaba izan zituen: Pavel (1886ko abenduaren 29an), Aleksandr (1888ko irailaren 18an), Anna (1891ko abuztuaren 11n) eta Natalia (1895eko ekainaren 26an).

Lidiak zazpi urte eman zituen Pavlovski institutuan. Urte haietako oroitzapenak bere liburuetarako material bihurtu ziren.

1894ko azaroaren 3an Lidia Voronova Boris Pavlovitx Txurilovekin ezkondu zen. Bi urte geroago, 1896ko abenduaren 15ean, Georgi semea izan zuten. 1901eko irailaren 7an ezkontza deuseztatu zuten eta semea amarekin geratu zen.

1897ko abuztuan, Lidiak San Petersburgoko Antzerki Eskola Inperialean sartzeko eskaera egin zuen. Ikasketen hirugarren urtean, Mijailovski antzokiaren emanaldietan parte hartuz, Txarskaia izengoitia erabiltzen hasi zen (xarma errusierazko hitzetik). Urte bat geroago graduatu ondoren, Alexandrinski antzokian sartu zen, eta han aritu zen 1924ra arte.

1914ko apirilaren 27an, Lidia Vasili Ivanovitx Stabrovskirekin ezkondu zen. Ezkontza desegiteko data eta arrazoia ez dira ezagutzen.

1920ko maiatzaren 15ean Aleksei Nikiforovitx Ivanov ezkondu zen, biek abizen bikoitzak ofizialki hartu zituzten: Lidia Ivanova-Txarskaia eta Aleksei Ivanov-Txarski.

Txarskaiaren iraultzaren ondorengo bizitza Viktor Xklovskik, idazle eta literatura kritikariak, horrela gogoratu zuen:

« Bihotzez sinpatizatzen zuen iraultzarekin, oso pobre bizi zen. Neska-mutilak Txarskaiaren etxera etorri ziren bere gelako zorua garbitzeko: pena eman zioten idazle zaharrari »

[2]


Sobietar eta errusiar iturri askotan, Adler Txarskaiaren heriotza-tokia dela adierazten da[3]. Hala ere, Evgenia Putilova filologian doktoreak adierazi zuen Txarskaiak, bere egoera sozialagatik eta osasunagatik, ezin zuela hiria utzi eta Leningraden hil zela 1937an[4].

Bere obraAldatu

1901ean, Zapiski institutki (Institutuko ikasle baten oharrak) eleberria idazten hasi zen, bere eguneroko pertsonaletan oinarrituta. Liburuak arrakasta handia ekarri zion egileari eta haurren artean zabaldu zen, batez ere nesken artean. Txarskaiak idatzi zuen bere liburuen xedea hezkuntza morala zela. 20 urtez 80 eleberri, 20 ipuin eta 200 olerki idatzi zituen[5].

Urriko Iraultzaren ondoren, Txarskaiaren liburuak debekatuta zeuden literatura burges gisa. 1933an, Nadezhda Krupskaiak protesta egin zuen bere liburuen debekuaren aurka[6]. Motyliok (Tximeleta), Txarskaiaren azken liburua, amaitu gabe geratu zen. Geroago, zailtasun handiz, haurrentzako lau liburu txiki argitaratu zituen N. Ivanova izengoitiaz (Ivanov bere hirugarren senarraren abizena zen, eta N. Nina Dzhavaja bere liburuko pertsonaiaren izenarekin lotu daiteke).

LanakAldatu

  • Zapiski institutki (Institutuko ikasle baten oharrak), 1901
  • Kniazhna Dzhavaja (Dzhavajako printzesa), 1903
  • Sirena, 1903
  • Luda Vlassovskaia, 1904
  • Zapiski malen'koi gimnazistki (Ikasle txiki baten oharrak), 1908
  • Sibirotxka (Siberiako neska), 1908
  • Smelaia zhizn' (Bizitza ausarta), 1905
  • Lizotxkino stxast'e (Lizotxakaren zoriona), 1907
  • Solntze vstanet! (Eguzkia aterako da!), 1907
  • Vtoraia Nina (Bigarren Nina), 1909
  • Za txto? (Zertarako?), 1909
  • Tasino gore (Tasiaren atsekabea), 1909
  • Dzhavakhovskoie gnezdo (Dzhavaja familiaren habia), 1912
  • Lara Bessonova, 1912
  • Osobennaia (Berezia), 1912
  • Nekrasivaia (Itsusia), 1912
  • Bolxoi Dzhon (John Handia), 1912
  • Skazki Goluboi fei (Maitagarri urdinaren ipuinak), 1912
  • Sestra Marina (Marina ahizpa), 1913
  • Na vsiu zhizn' (Bizitzarako), 1913
  • Radi sem'i (Familiarako), 1914
  • Tiazholym putiom (Bide gogorrean), 1914
  • Zasluzhennoe stxast'e (Merezitako zoriona), 1914
  • Vakhanka (Bakantea), 1915
  • Moi printz (Nire printzea), 1915
  • Lusina zhizn' (Lusiaren bizitza), 1915
  • Eio Velitxestvo Lubov' (Bere Maiestate Maitasuna), 1915
  • Taina Instituta (Institutuaren sekretua), 1916

ErreferentziakAldatu

Kanpo estekakAldatu