Lesakako Zubigaineko dantza
Lesakako Zubigaineko dantza Euskal Herriko dantza ezagunetariko bat da, eta Lesakako ezpata-dantzaren zati da. San Fermin egunarekin batera, uztailaren 7an, Lesakako ezpatadantzariek Zubigainekoa dantzatzen dute Onin ibaiaren ertzeko petrilean. Egun handia da lesakarrentzat, eta zubigainekoa dantzatzen dutenentzat; festa egun horren une hunkigarriena zalantzarik gabe.[1]
Jatorria aldatu
XV. mendean herri horretako auzoek sinaturiko haien arteko bake itunaren oroigarria omen da dantza hau. Dena dela, historiatik kanpo, espezialista batzuek urari buruzko San Juaneko solztizio-errituekin ikusi diote lotura handia. [2] Gerta daiteke tradizio desberdinetatik sortutako erritua izatea.
Deskribapena aldatu
Dantza hau Lesakako ezpata-dantza erritualaren atal bat da. Eskol Ttiki etxera heltzerakoan, taldeak Onin ibaiaren kanalizatzen duten hormen gainean ziklo erritualeko hirugarren dantza egiten du: zubigainekoa. Dantza hau hormen gainean aurrera eta atzera eginez dantzatzen da, Zubigainekoaren ondoren, banderaren astintzea egiten da, bandera arboltu, zubitik bertatik eta ibaiaren ubidearen gainetik.[3]
Emakumeen presentzia aldatu
2019ko San Fermin egunean, historian lehen aldiz, 3 emakume ezpatadantzari gisa aritu ziren zenbait urte entseguetan eman ondoren.[4]
Erreferentziak aldatu
Kanpo estekak aldatu
- 2017ko dantzaren bideoa Naiz: webgunean.
- Zubigaineko dantzaren deskribapen zehatza Auñamendi Entziklopedian.
Datuak: Q61069364
