Ireki menu nagusia

Lekeitioko Kale Antzerki Jaialdia


Lekeitioko Kale Antzerki Jaialdia kostaldeko herri bizkaitar hartan urtero 1989tik uztailaren lehen hamabostaldian burututako nazioarteko festibala da, itzal handikoa eta Euskal Herriko garrantzitsuena arlo honetan.

"Deabru Beltzak" taldea jaialdiari estuki lotuta dago.

HistoriaAldatu

1979. urtean Lekeitio herrian “Topaketak” antolatu ziren. Antzerki topaketa haietan Danimarka, Italia eta Euskal Herriko taldeak bildu ziren euskal antzerki independentearen mugimenduari hasiera ematen. Horrela, Lekeitio dugu gure kale-antzerki garaikidearen hastapenaren lekukoa.

Hamar urte beranduago, 1989an, antzerkizale talde batek topaketa horietan bizi izandako esperientzia gogoangarria berreskuratzea eskaini zion udalari. Horrela sortu zen Lekeitioko Kale-Antzerki Nazioarteko Jaialdiaren aurreneko edizioa. Aurrekontu apal batekin jaialdiak hasierako urratsak eman zituen eta egitarauan ehun hankapaluen bilkura dirdiratsu bat nabarmendu zen.

Jaialdia aitzindaria zen, Euskal Herrian kale-kultur arlo honetan lehenengoa baitzen. Hemendik aurrera kale-arteen eremuetan Lekeitiok bidea zabalduko du. Berritzaile izaera honek espazio berriak konkistatzea ekarri du. Kale eta plazetan oinarria izanda ere, zeruan, itsasoan, hondartzan… ere aurkitu du antzezlekua.

Bigarren jaialdiak, 1990an, munduari zabaldu zion atea, Frantzia eta Laponiako bi talde gonbidatuz. Nazioarteko joera hau urtez urte handitzen joan da. Gaur, bost kontinentetako taldeak Lekeitioko plazatik igaro dira. Togo, Ghana, Mozambike, Quebec, Argentina, Kuba, Txile, Bali, Turkia, Txekia, Italia, Alemania, Portugal, Errusia, Frantzia… izan dira jaialdian. Penintsulako eremu guztietatik ere hamaika antzerki talde hurbildu dira Lekeitiora. Honez gain, euskal antzerki talde ugarik hartu du jaialdia estreinatzeko plaza. Jaialdiak berak ekoizpen propioak estreinatu ditu aldizka, arrakasta handiz bai parte hartze aldetik, bai kalitate aldetik.

Itzal luzeko nazioarteko taldeak izan dira Jaialdi honetan, agian munduko hoberenetakoak: Royal de Luxe, Ilotopie, Plasticiens Volants, Trans Express Europa… Honek Lekeitioko jaialdia Europako nabarmenen artean kokatzen du.

Honez gain, Lekeitiok eskaintzen duen eszenografia naturala nekez gaindi daiteke. Herriko kale eta plazak, hondartza, portua, itsasoa…. eremu ezin hobeak dira kale-arteak plazaratzeko. Ikusle jantziak ditu Jaialdiak eta errespetu osoz parte hartzen dute ikuskarietan. Ikusle eta eremu naturalaren kalitate honek egiten du handi Lekeitioko kalealdia. Uztailaren bigarren asteburuan antolatzen den kultur jai erraldoia da, ezustez beterik kalerik kale[1].

Ikus, gaineraAldatu

ErreferentziakAldatu

Kanpo loturakAldatu

jaialdiaren bloga


  Artikulu hau kulturari buruzko zirriborroa da. Wikipedia lagun dezakezu edukia osatuz.