Lehergai

Lehergaia energia potentzial handia duen eta energia hori bapatean askatuz gero leherketa sortzen duen substantzia erreaktiboa da. Leherketaren ondorioz argia, beroa, soinua eta presioa sortzen dira gehienetan.

Substantzia leherkorren arrisku-ikurra

Material leherkorrean metatutako energia potentziala mota askotakoa izan daiteke:

• energia kimikoa, esaterako nitroglizerina
• gas konprimitua
• energia nuklearra
• ...

Material leherkorrak hainbat modutara sailka daitezke. Hedatzen diren abiadurari kasu eginez gero, lehergaiak detonatu egin daitezke (soinuaren abiadura baino azkarrago lehertu) edo deflagratu. Sentikortasunaren arabera ere sailka daitezke: bero edo presio gutxi aplikatuta lehertzen direnak lehen mailako lehergaiak dira, eta sentikortasun txikia dutenak bigarren mailako lehergaiak dira.

Kanpo estekak

• Datuak: Q12870
• Multimedia: Explosives