Lagun desegokiaren parabola

Lagun desegokiaren parabola Jesus Nazaretekoaren parabola bat da, Lukasen Ebanjelioan aurkitzen dena. Epaile bidegabearen parabolarekin antzekotasuna du.

Auzokide desegokia, William Holman Hunt (1895).

Jan Luykenen grabatua. Parabolaren amaiera erakusten du.

Testua

Lukasen Ebanjelioak horrela dio:

«

[...] 16 «5Gero esan zien:«Eman dezagun zuetako batek adiskide bat duela eta gauerdian datorkiola, esanez: "Adiskidea, emazkidak hiru ogi, bihurtuko dizkiat eta; 6lagun bat etorri zaidak bidaian eta ez zeukat ezer eskaintzeko". 7Eman dezagun besteak barrutik erantzuten diola "Utz nazak bakean, atea itxia zegok eta haurrak eta neu oheratuak; ezin naitekek ematera jaiki". 8Hona nik esan: Adiskidea duelako ez bada ere. aspergarri ez dakion behintzat, jaiki eta eman egingo dio behar duena.» 9 «Hauxe esaten dizuet, beraz: Eskatu, eta emango dizue Jainkoak; bilatu, eta aurkituko duzue; jo atea, eta zabalduko zaizue. 10Zeren eskatzen duenak hartu egiten baitu, bilatzen duenak aurkitu, eta atea jotzen duenari zabaldu egiten baitzaio.» (Elizen Arteko Biblia Elkartea: Elizen arteko Biblia. Euskal Elizbarrutiak, 1994, 116.or.

»

Azalpena

Parabola hau Jesusek Gure Aita otoitza irakatsi eta berehala agertzen da Lukasen; beraz, Jesusek bere ikasleei otoitz egiteko moduari buruz ematen dien irakaskuntzaren zati gisa ikus daiteke. Epailearen eta alargunaren parabolak antzeko mezu bat gordetzen du.

Jesusek parabola hasteko erabiltzen dituen hitzak desberdinak dira grezieraz. I. Howard Marshall-en ustez horrek Jesusen hitz egiteko era berezia erakutsiko luke.

Artean

Parabola honen hainbat irudikapen daude, ospetsuena William Holman Hunten Auzokide desegokia (1895) delarik, Australiako Victoriako Galeria Nazionalean jasoa.

Kanpo estekak

• Datuak: Q1269573
• Multimedia: The Friend at Night / Q1269573