Kukai Dantza Konpainiak jatorri tradizionaleko dantza ikuskizunak sortzen ditu. Dantza tradizionaletik abiatuta, Kukaik beste arte jarduerekin, beste dantza estiloekin eta beste pentsamoldeekin elkarlana bultzatzen du. Dantza tradizionaletik abiatuta, ikuskizun garaikideak sortzen ditu Kukaik. Jon Maya da zuzendaria, eta gaur egun, beste sei dantzarik osatzeko dute konpainiaren oinarria: Eneko Gil, Alain Maya, Ibon Huarte, Urko Mitxelena, Vanesa Castaño eta Nerea Vesga. Hala ere, kolaborazio ezberdinak egin dituzte zenbait dantzarik Kukairentzat.

Kukai dantza taldearen Kirol legez/Fair play ikuskizuna Korner festibalean, 2019an Tabakaleran

Hainbat ikuskizun aurkeztu dituzte Euskal Herrian eta bertatik kanpo: ‘1937, gogoaren bidezidorretatik’ (2002), ‘Otehitzari Biraka’ (2005) [1], 'Latidos/Taupadak’ (2007), ‘Hnuy illa…’ (2008), ‘Soka’ (2009) [2] eta ‘(SOK)2’ (2010).

Historia[3]Aldatu

Kukai Dantza Konpainiak jatorri tradizionaleko dantza ikuskizunak sortzen ditu. Dantza tradizionaletik abiatuta, Kukaik beste arte jarduerekin, beste dantza estiloekin eta beste pentsamoldeekin elkarlana bultzatzen du. Dantza tradizionaletik abiatuta, ikuskizun garaikideak sortzen ditu Kukaik.

‘Deiadarra’ izeneko koreografia aurkeztuz ekin zion lanari 2001. urtean, eta harrez geroztik makina bat lan egin ditu. Esanguratsuak dira, Tanttaka Teatroarekin elkarlanean ekoiztutako ikuskizunak: ‘1937, gogoaren bidezidorretatik’ (2002), ‘Otehitzari Biraka’ (2005)[1] eta ‘Hnuy illa…’ (2008). Ikuskizun horiek arrakasta handia lortu dute Euskal Herrian. Emanaldi ugari egiteaz gain, 2003. urtean Donostia Antzerki Saria eskuratu zuen ‘1937’ ikuskizunak. Halaber, Euskal Herritik kanpo ere emanaldi dezente egin ditu Kukaik ikuskizun hauekin. Hala , Argentinan, Txilen, Uruguain, Venezuelan, Estatu Batuetan, Kolonbian eta Erresuma Batuan aurkeztu ditu bere ikuskizunak. ‘Hnuy illa…’ ikuskizunarekin 2009 urtean Espainiako Arte Eszenikoen Max Sarietan Errebelazio saria irabazi zuten.

Tanttaka Teatroarekin harreman estua izanda ere, Kukaik beste hainbat lankidetza ere burutu ditu. Esate baterako, 2007. urtean, Logela Multiemdiarekin batera ‘Latidos/Taupadak’ kale-ikuskizuna sortu zuen Valladolideko Nazioarteko Kale Antzerki Jaialdiaren enkarguz.

Kalearekin bigarren harremana ‘Soka’[2] ikuskizunean izan zuen Kukaik. Pantxika Telleriarekin elkarlanean soka dantza tradizionala oinarri hartuta 2009an aurkeztu zen lan berri hau. 2010ean kaleko ikuskizunak antzokietara egin zuen jauzi ‘(SOK)2’ ikuskizunean.

Kukairen jarduera nagusia ikuskizunen produkzioa eta aurkezpena izanik ere, saio berezi ugari egin ditu hainbat ekitalditan. Esate baterako, ‘Arditurri, Bertsoak dantzan’ saioa, 2007. urteko Max Sarien Gala, Euskal Turismoaren Gala, Haizearen Orraziaren inaugurazioa, Gipuzkoako Batzar Nagusien inaugurazioa, Nazioarteko Antzerki Egunaren Gala, Korrikaren aurkezpena… Horiez gain, 2010ean Euskadiko Orkestra Sinfonikoarekin eta Andra Mari Abesbatzarekin Sorgineta Ballet Suitea aurkeztu zuen Euskal Herriko hiriburuetan.

Aipatzekoak dira ere, bere ibilbidean zehar taldeak eskuratutako sariak, besteak beste, 2017 eta 2019ko Max Sarietan Dantza Ikuskizun hobearena 'Oskara' [4] eta 'Erritu' [5] espektakuluengatik ,2017ko Dantza Sari Nazionala [6]

Ibilibide honetan guztian artista ugarirekin lankidetzan jarduteko aukera izan du Kukaik: Mireia Gabilondo, Juan Mari Beltran, Mikel Urdangarin, Iñaki Salvador, Logela Multimedia, Carlos Núñez, Sol Pico, Jon Maia eta Andoni Egaña bertsolariak, Oreka TX…

ErreferentziakAldatu

  1. a b «Otehitzari biraka - Kukai compañía de danza» Kukai (Noiz kontsultatua: 2020-02-24).
  2. a b «Soka - Kukai compañía de danza» Kukai (Noiz kontsultatua: 2020-02-24).
  3. «Historia - Kukai compañía de danza» Kukai (Noiz kontsultatua: 2020-02-24).
  4. «Kukai gailurrera eraman dute Max sariek» Euskal Irrati Telebista (Noiz kontsultatua: 2020-02-24).
  5. (Gaztelaniaz) Val, Carmen del. (2020-02-23). «Crítica | La religiosidad del baile de Kukai Dantza seduce en el Mercat» El País ISSN 1134-6582. (Noiz kontsultatua: 2020-02-24).
  6. «Kukai Dantza, Jon Mayak zuzendutako konpainiak, 2017 Dantza Sari Nazionala irabazi du | Jakiunde» www.jakiunde.eus (Noiz kontsultatua: 2020-02-24).

Kanpo estekakAldatu