Kristalezko 7 bolak

7 kristalezko bolak (frantsesez: Les 7 Boules de Cristal) Hergé belgikar komikilariak idatzi eta marraztutako Tintinen abentura bat da. Istorioa 1943 eta 1944an argitaratu zen Le Soir egunkarian, baina 1948an ikusiko zuen argia, Hergéren lana ezeztatua izan baitzen.

Kristalezko 7 bolak
Jatorria
EgileaHergé
Argitaratze-data1948
Jatorrizko izenburuaLes Sept Boules de cristal
Jatorrizko herrialdeaBelgika
ArgitaletxeaCasterman (en) Itzuli
Ezaugarriak
Genero artistikoaadventure comic (en) Itzuli
Hizkuntzafrantsesa
TelesailaTintinen abenturak
Emanaldia
Hasiera-data1943ko abenduaren 16a
Fikzioa
fr.tintin.com…
kronologia
Rachkam Gorriaren altxorra Kristalezko 7 bolak Eguzkiaren Tenplua

IstorioaAldatu

Oharra: Atal honek istorio osoa edo amaiera argitzen du.

Sanders-Hardmuth espedizioko arkeologoak Europara itzultzen dira bi urte Peru eta Bolivian eman ondoren, non Rascar Capac errege inkaren hilobia aurkitu duten. Laster hasiko dira lozorro sakon batean murgilduko dituen gaixotasun arraro bat jasaten, guztiak eguneko ordu berean esnatuz, biziki asaldatuak, torturatuko balituzte bezala ondoren berriz lozorroan erortzeko. Guztiak Rascar Capac beraren hilobian iragarritako zigorra dela adierazten du. Gaixo guztien ondoan barnean pozoiren bat duten kristalezko anpoila esferiko batzuen hondarrak daude.

Tintinek, Haddock kapitainak eta Silvestre Tornasol profesorak espedizioko kideetako bat bisitatzen dute: Hipolito Bergamotte. Hau gaixotzen denean eta Tornasol profesora bahitua denean, Tintinek eta Haddock kapitainak euren lagunaren arrastoa jarraitzen dute, Peruraino eramango dituena, non Eguzkiaren Tenplua abentura hasten den.

Gaixoen zerrenda, ordena kronologikoan:

  • Clairmont
  • Sanders-Hardmuth
  • Laubépin
  • Cantoneau
  • Marc Charlet
  • Hornet
  • Hipolito Bergamotte

BitxikeriakAldatu

  • Hergé Bergamotten etxaldea egiteko "eredu" bezala erabili zuen etxera joan zen. Toki horretatik joan zenean, SSak toki beretik pasa ziren, tokiaren krokisak hartzen aurkitua izateko gutxi falta izan zelarik.

Rascar Capac, momia inkaAldatu

Rascar Capac "zeruko sua askatzen duena", Sanders-Hardmuth espedizioak espoliatu eta berarekin eraman zuen errege inka bat zen. Horregatik espedizioko zazpi kideengan madarikazio bat erortzen da.

Rascar Capacen irudia Bruselako arte eta historia museoan dagoen benetako momia perutar batean oinarritua dago. Ohikoa da Hergérengan benetako xehetasunetan oinarritzea bere lana aberasteko, Belarri hautsia izeneko komikian ikus daitekeen bezala, esate baterako. Gauza bera egiten du historiarekin, errege baten hilobia espoliatzen dutenengan erortzen den madarikazioak Tutankamonen istorioa gogorarazten baitu.


Aurrekoa
Rachkam Gorriaren altxorra
Tintinen abenturak
1943-1944
Ondorengoa
Eguzkiaren Tenplua

Kanpo estekakAldatu