Krimena eta zigorra

Krimena eta zigorra (errusieraz: Преступление и наказание, Prestuplenie i nakazanie) Fiodor Dostoievskiren nobela onenetariko bat da. 1866an publikatu zen Errusiar mezularia aldizkarian, 12 ataletan, eta hurrengo urtean liburu gisa argitaratu zen. Egilearen etapa helduko lehen eleberria ona dela kontsideratzen da.

Krimena eta zigorra.
Nobelaren lehen edizioa, 1867
Datuak
Idazlea	Fiodor Dostoievski (1866)
Argitaratze-data	1866
Generoa	Nobela filosofikoa, Nobela psikologikoa
Jatorrizko izenburua	Преступление и наказание (Prestupleniye i nakazaniye)
Hizkuntza	Errusiera
Herrialdea	Errusia
Euskaraz
Izenburua	Itzuli gabe

Argumentua

Nobela Rodion Romanovitx Raskolnikov ikasle gaztearengan zentratzen da. Diru faltak bultzatuta, bere zuzenbide ikasketak uztera derrigortuta agertu da, eta San Petersburgoko auzo pobre bateko bere alokairuko gelan ziztrinean igarotzen ditu egunak. Miseriak bultzatuta, Raskolnikov atso lukerrero bat hiltzeko plana prestatzen hasi da, eta bere ekintzak justifikatzeko teoria bat garatu du. Horren arabera, zenbait pertsonak eskubidea dute halako ekintzak egiteko, horrela helburu goren bati zerbitzatzen badiote. Nobelan zehar, Rasklnikovek hainbat alditan bere burua Napoleonekin parekatzen du, eta hark, bere egoeran egon balitz, gauza berbera egingo zukeelakoan dago. Gainera, haren ustetan, mesede bat egin dio munduari atso lukurreroa hilda. Krimena egin duen unetik bertatik, Raskolnikov dilema moralak ditu, eta azkenean, bere burua entregatzen du.

Pertsonaiak

Pertsonaien izenak

Errusiera eta erromanizazioa
Izena, Ezizena	Patronimikoa	Abizena
Родиóн Rodion	Ромáнович Romanovitx	Раскóльников Raskolnikov
Авдо́тья, Ду́ня Avdotia, Dunia	Рома́новна Romanovna	Раско́льникова Raskolnikova
Пульхе́рия Pulkheria	Алексáндровна Aleksandrovna
Семён Semion	Заха́рович Zakharovitx	Мармела́дов Marmeladov
Со́фья, Со́ня, Со́нечка Sofia, Sonia, Sonetxka	Семёновна Semionovna	Мармела́дова Marmeladova
Катери́на Katerina	Ива́новна Ivanovna
Дми́трий Dmitri	Проко́фьич Prokofitx	Разуми́хин Razumikhin
Праско́вья Praskovia	Па́вловна Pavlovna	Зарницына Zarnitsyna
Арка́дий Arkadi	Ива́нович Ivanovitx	Свидрига́йлов Svidrigailov
Ма́рфа Marfa	Петро́вна Petrovna	Свидрига́йлова Svidrigailova
Пётр Piotr	Петро́вич Petrovitx	Лу́жин Luzhin
Андре́й Andrei	Семёнович Semionovitx	Лебезя́тников Lebeziatnikov
Порфирий Porfiri	Петрович Petrovitx
Лизаве́та Lizaveta	Ива́новна Ivanovna
Алёна Aliona
Azentuak silaba tonikoa markatzen du.

Zinema

• Krimena eta zigorra (1910eko filma): 1910ean Vasili Gontxarovek zuzendu eta Vladimir Krivtsov, Aleksandra Gontxarova eta Andrei Gromov aktoreek antzeztutako filma.
• Crime et châtiment (1935eko filma): 1935ean Pierre Chenalek zuzendu eta Harry Baur, Pierre Blanchar eta Madeleine Ozeray aktoreek antzeztutako filma.
• Crime and Punishment (1935eko filma): 1935ean Josef von Sternbergek zuzendu eta Peter Lorre, Edward Arnold eta Marian Marsh aktoreek antzeztutako filma.
• Krimena eta zigorra (1969ko filma): 1969an Lev Kulidzhanovek zuzendu eta Georgi Taratorkin, Innokenti Smoktunovski eta Tatiana Bedova aktoreek antzeztutako filma.
• Krimena eta zigorra (2007ko filma): 2007an Dmitri Svetozarovek zuzendu eta Vladimir Koxevoi, Polina Filonenko eta Andrei Panin aktoreek antzeztutako filma.

Kanpo estekak

• Datuak: Q165318
• Multimedia: Crime and Punishment / Q165318