Korsikako Asanblada
Korsikako Asanblada (korsikeraz: Assemblea di Corsica, frantsesez: Assembleé de Corse) Korsikako Lurralde Elkargoaren erakunde gorena da, funtzio legegile mugatu batzuk ere badituena. Ajaccio hiriburuan du egoitza.
| Korsikako Asablada Assemblea di Corsica Assemblée de Corse | |
|---|---|
| . legegintzaldia | |
| Mota | |
| Mota | Lurralde elkargoaren asanblada |
| Zuzendaritza | |
| Mahaiburua | Marie-Antoinette Maupertuis (Femu a Corsica) 2021. urtetik |
| Mahaiburu-ordea | Hyacinthe Vanni (Femu a Corsica) 2018. urtetik |
| Mahaiburu-ordea | Nadine Nivaggioni (Femu a Corsica) 2021. urtetik |
| Osaketa | |
| Eserlekuak | 63 |
 | |
Alderdi politikoak | Gobernua (32)
Oposizioa (31) |
| Hauteskundeak | |
| Bozketa sistema | 63 eserleku, zenbaketa proportzionala eta bi txandako bozketa |
| Azken hauteskundeak | 2021eko ekainaren 20 eta 27 |
| Batzarlekua | |
 | |
| Korsikako Asanbladaren egoitza, Ajaccion | |
| Webgunea | |
| https://www.isula.corsica/assemblea/ | |
Asanbladak 63 eserleku ditu, Korsikako alderdi eta koalizio politikoen artean aukeratuak. Frantziako Erregio Kontseiluen aldean, Korsikako Lurralde Elkargoak eskumen batzuk ditu (hezkuntza eta kulturan, esaterako), eta bere Asanbladak hauetaz ere deliberatzen ditu.
Korsikako Asanblada 1982an abiatu zen, Frantziako Gobernuak Korsikari estatutu berezi bat lehenbizikoz eman zionean [1].
2017ko abenduaren Asanbladarako hauteskundeetan abertzale korsikarrek garaipen handia lortu zuten: Pè a Corsica koalizioak (Corsica Libera eta Femu a Corsica) gehiengo absolutua lortu zuen Asanbladan (41 eserleku 63tik), eta botoen %56,5 bigarren itzulian [2]. Jean-Guy Talamoni abertzalea Asanbladaren presidentea izendatua izan zen.
2021eko hauteskundeetan Femu a Corsica izan zen zerrendarik bozkatuena (32 eserleku), frantses eskuinaren koalizioak (CCB-LR) bigarren tokia eskuratuz (10 eserleku). Beste koalizio batek, Partitu di a Nazione Corsa eta Corsica Liberaren artekoak, hirugarren tokian geratuz (8 eserleku) [3]
Gaur egungo taldeak aldatu
| Taldea | Alderdia(k) | Eserlekuak | Presidentea | Estatusa | |
|---|---|---|---|---|---|
| Fà populu inseme | Femu a Corsica | 32 | Hyacinthe Vanni | Gobernuan | |
| Un soffiu novu | Comité central bonapartiste | 17 | Laurent Marcangeli | Oposizioan | |
| Les Républicains | |||||
| Avanzemu pè a Corsica | Partitu di a Nazione Corsa | 7 | Jean-Christophe Angelini | Oposizioan | |
| Corsica Libera | 1 | ||||
| Core in Fronte | Rinnovu | 6 | Paul-Félix Benedetti | Oposizioan | |
Presidenteen zerrenda aldatu
| Izena | Alderdia | Data |
|---|---|---|
| Prosper Alfonsi | MRG | 1982-1984 |
| Jean-Paul de Rocca | RPR | 1984-1998 |
| José Rossi | UDF-PR-DL-UMP | 1998-2004 |
| Camille de Rocca | UMP | 2004-2010 |
| Dominique Bucchini | PCF | 2010-2015 |
| Jean-Guy Talamoni | Corsica Libera | 2015-2021 |
| Marie-Antoinette Maupertuis | Femu a Corsica | 2021- |
Erreferentziak aldatu
- ↑ Loi n°82-214 du 2 mars 1982 PORTANT STATUT PARTICULIER DE LA REGION CORSE (ORGANISATION ADMINISTRATIVE)
- ↑ Korsika: Ziklo politiko berria hastear NAZIOGINTZA, 2018-01-09
- ↑ Frantziar estatuko nazioek eskualdeko hauteskundeetan bozkatu dute Naziogintza, 2021-07-02
Kanpo estekak aldatu
- Website de l'Assambleé de Corse/L'Assemblea di Corsica (Frantsesez) (Korsikeraz)
Datuak: Q2564988
Multimedia: Assembly of Corsica / Q2564988
